माइत हिडेकी सरिता गिरीलाई प्रहरीले सीमाबाट फर्कायो ।

३ असार २०७७–सिराहा । कोरोना भाईरस कोभिड १९ को कारण सीमाबन्दीकै बीच भारत जान लागेकी जनता समाजवादी पार्टीकी नेतृ समेत रहेकी सांसद गिरीलाई नेपाल र भारत दुवैतर्फका सुरक्षाकर्मीले दशगजा क्षेत्रबाट फर्काइदिएको खबर प्राप्त भएको छ ।

सिराहाको ठाडी नाकाबाट मंगलबार भारतको बिहारतर्फ जान लागेकी गिरीलाई  घर फर्काइएको जानकारी प्राप्त भएको हो ।

भारतले मिचेको नेपाली भुमी कालापानी,लिपुलेक र लिम्पियाधुरा समेटेको नया नक्सा निर्माण गर्न का लागि संबिधान संसोधन प्रस्ताव को बिपक्षमा उभिएकी गिरीको संबिधान संसोधन बिरुद्वको प्रस्ताब प्रस्तुत नगरिएपछि संविधान संशोधनको दिन बैठक बहिस्कार गरेर हिँडेकी सांसद गिरी गृह जिल्ला सिराहामा पुगेकी थिइन् ।

सांसद गिरी कार्यकर्ता भेट्न भन्दै सीमा क्षेत्रमा पुगेको र त्यतैबाट पारि नगई फर्किएको जानकारी आफूले पाएको जिल्ला प्रहरी कार्यालय सिरहाका प्रवक्ता विनोद घिमिरले बताएकाछन् ।

सिमानामा खटिएका सशस्त्र प्रहरीका अधिकृतका अनुसार उनलाई दशगजा नजिकबाट फिर्ता पठाइएको हो । ती अधिकृतले भने, अहिले बोर्डर बन्द छ, यस्तो बेलामा माननीयज्यू भारततर्फ जानुहुँदैन भनेर हामीले सम्झायौं, उतातिर भारतको सीमा सुरक्षा बल एसएसबीले पनि प्रवेश दिन मिल्दैन भनेपछी सांसद गिरीको माइती बिहार जान छोडेर घर सिरहाको बस्तिपुरतर्फ नै फर्किएको  जानकारी आएको छ ।