मलेसियामा सुजन राई बचाउ अभियान ।

विप्लवी तेन्जु योन्जन / रेगिस्तान

४ असार २०७७–मलेसिया । खोटाङ्ग जिल्ला साकेला गाउँपालिका ३ नं. वडा खिदिमाका सुजन राई बचाउ अभियान मलेसियामा सञ्चालन भईरहेको जानकारी प्राप्त भएको छ ।

बुद्धि बल राईको छोरा सुजन राईको ब्लड क्यान्सर जस्तो प्राण घातक रोग देखापरेपछी २१ दिन देखि (पाटन अस्पताल) पाटन ललितपुरमा भर्ना गरि उपचार गरिरहेको छ । आर्थिक अबस्था कम्जोर भएको र उपचारको लागि रकम धेरै लाग्ने भएपछीे उपचार गराउन समस्या भइ रहेको परिवारले जानकारी दिएको छ ।

सुजन राई बचाउ अभियानका लागि खिदिमा स्थाई घर भएका हाल मलेसियामा बस्ने मङ्गोल मन कुमार जिम्बाको संयोजकत्वमा मलेसियामा उक्त अभियान सञ्चालन गरिरहेको जनाएकाछन् । साथै अन्य ठाउँ बाट पनि सहयोगका लागि अनुरोध गर्न अपिल गरिएको छ ।

जिम्बाका अनुसार मलेसिया लगाएत यु के , हङकङमा पनि अभियान शुरु गरिएको छ । (ब्लड क्यान्सर) जस्तो घातक रोग उपचार गराउन लामो समय र बढी खर्च लाग्ने भएकोले उपचारमा रकमको अभाव नहोस भनेर हामीले प्रबासमा पनि अभियान शुरु गरेको हौ । सुजनको परिवारको आर्थिक अवस्था एकदमै दयनिय रहेको छ ।

परिवारका अनुसार २१ दिनको अवधिमा करिब ४ लाख जती त खर्च भैसकेको छ । उनको जीवन रक्षाको लागि तपाईं हामी जो जस्ले जहाँ बाट जति सकिन्छ, सकेको आर्थिक सहयोग गरिदिनहुन हार्दिक अनुरोध गर्छौ ।

जिम्बाले भने, हामीले मलेसियामा हाल सम्म मलेसियन रिंगेट २०९५। नेपाली करिब ६२,०००। जती उठाइ सकेका छौ , मलेसियामा रहेको सहयोगी मनहरुले मंगोल मनकुमार जिम्बाको नाममा रहेको एफिन बैंकको खाता नं.२००३००४४७४८० मा जम्मा गरि सहयोग गरिदिन समेत आग्रह गरिएको जनाएकाछन् ।