तेस्रो चरणमा दोर्पाका ३०० परिवारले पाए नगरको राहत ।

१४ असार २०७७–खोटाङ । जिल्लाको दिक्तेल रुपाकोट मझुवागढी नगरपालिकाले अति विपन्न र दैनिक ज्यालादारी गर्नेहरुको पहिचान गरी नगरको वडा नं. ७ दोर्पा चिउरीडाँडामा ३०० परिवारलाई तेस्रो चरणको राहत बितरण गरेको जानकारी दिएको छ ।

बिश्वब्यापी रुपमा फैलिएको कोरोना भाइरस (कोभिड–१९) रोकथाम तथा नियन्त्रणका लागि नेपालमा लामो समय देखी गरिएको लकडाउनबाट प्रभावित बनेका अति विपन्न र दैनिक ज्यादादारी गर्ने ३ सय घर परिवारलाई तेश्रो चरणको राहत बाँडिएको नगरपालिकाले जनाएको छ ।

तेस्रो चरणको राहत बितरण अन्तर्गत नगरपालिकाले प्रति परिवार ३० केजी चामल र १ केजी नुन बितरण गरेको नगरप्रमुख दिपनारायण रिजालको भनाई रहेको छ । हालसम्म नगरपालिकाले ३ हजार ३ सय ३३ घर परिवारलाई राहत बितरण गरिसकेको नगर उपप्रमुख विणादेबी राई ले बताएकीछन् ।