आज: | Thu, 21, Sep, 2023
देश पोस्ट १८ असार २०७७–खोटाङ । जिल्लाको पञ्च माध्यमिक विद्यालयलाई पिसिआर परिक्षणको रिपोर्ट नआएसम्मका बाहिरबाट आएका स्थानियहरुलाई बस्ने ठाँउ बनाईने निर्णय भएको जानकारी प्राप्त भएको छ ।
जिल्ला बाहिरबाट भित्रिएका स्थानीयलाई सरासर घर पठाउँदा कोरोना संक्रमणको खतरा बढेकाले जिल्ला कोभिड संकट व्यवस्थापन केन्द्रको बैठकले उनीहरुको पिसिआर परिक्षण गरेर मात्र घर पठाउने र त्यतिञ्जेलसम्म सुरक्षित तरिकाले राख्नका लागि १० बेडको बस्ने ठाँउको क्वारेन्टाइनकै रुपमा प्रयोग गर्ने गरी निर्माण गर्ने निर्णय भएको प्रमुख जिल्ला अधिकारी एबं जिल्ला कोभिड संकट व्यवस्थापन केन्द्रका संयोजक शालिग्राम शर्मा पौडेलले बताएकाछन् ।
उक्त बस्ने ठाँउको निर्माण तथा ब्यबस्थापनका लागि आवश्यक सामग्री नेपाल रेडक्रस सोसाईटीले उपलव्ध गराउने तथा नेपाली सेना र रेडक्रसकर्मीले ‘होल्डिङ’ सेन्टर निर्माण गर्ने निर्णय गरिएको छ ।
रिर्पोट पर्खिएर बस्ने ठाँउमा जयरामघाट नाकाबाट भित्रिएर दिक्तेल हुँदै घर जाने स्थानीयलाई मात्र राखिने छ । पिसिआर परिक्षणकाक्रममा नेगेटिभ रिपोर्ट आएका व्यक्तीलाई घर पठाइने, पोजिटिभ रिपोर्ट आएकाहरुलाई उपचारमा पठाइने र उक्त केन्द्र निर्माणका लागि पञ्च माबिका व्यवस्थापन समिति, प्रअ लगायतसँग समन्वय गरिसकिएको जिल्ला कोभिड संकट व्यवस्थापन केन्द्रले जनाएको छ ।
सूचना विभाग दर्ता नं. – १५०३/०७६/०७७
प्रवन्धक/सम्पादक : लोकमणि रिजाल
सह-सम्पादक :अस्मिता खत्री
सह-सम्पादक : तेन्जु योन्जन (मलेसिया)
कानूनी सल्लाहकार : ओम प्रकाश घिमिरे
दिक्तेल, रुपाकोट मझुवागढी-१४ खोटाङ्ग, प्रदेश नं. १
मोबाईल नं ९८४२९०६६४२
Email: [email protected]
