नगरको गरिबलाई छानो कार्यक्रम ।

१९असार२०७७–खोटाङ्ग । जिल्लाको दिक्तेल रुपाकोट मझुवागढी नगरपालिकाले गरिबलाई छानो कार्यक्रम अन्र्तगत नगरलाई खरको छानामुक्त बनाउने अभियान शुरु गरेको जनाएको छ ।
नगरभित्र करीब ९०० घर गरीब घर परिवार रहेको तथ्याङ्क रहेको छ , नगरपालिकालाई आगामी दुई वर्षभित्र खरको छाना मुक्त बनाउने अभियान अन्तरगत बिहिबार ४५ घर गरीब परिवारलाई जस्तापाताको छाना हाल्नका लागि पहिलो किस्ता बापतको रकम प्रदान गरिएको नगरपालिकाले जनाएको छ ।

४५ घर परिवारलाई पहिलो किस्ता बापतको २५ हजारका दरले रकम उपलब्ध गराईएको र बाँकी २५ हजार छानो लगाईसकेपछी उपलब्ध गराइने गरी संघिय सांसद बिशाल भट्टराईले चेक हस्तान्तरण गरेको जानकारी आएको छ । आ.व. २०७७/०७८ मा ३३८ घर परिवार उक्त कार्यक्रमबाट लाभान्वित हुने नगर उपप्रमुख बिणादेबी राईको भनाई रहेको छ ।

चेक हस्तान्तरण कार्यक्रममा बोल्दै नगर प्रमुख दिपनारायण रिजालले भने हामी निबार्चित भएसंगै नगरलाई घरको छानो मुक्त बनाउने घोषणा गरेका थियौ आजबाट सो घोषणाले औपचारिकता पाएको छ । यसमा संघिय सरकार र प्रदेश सरकारको निरन्तर साथ रहदै जाने भएकोले हाम्रो प्रतिबद्वता पुरा हुनेछ ।