बाढीले भोटेकोशी थुनिदा जम्बु बजार बग्यो ।

२५ असार २०७७–सिन्धुपाल्चोक । लगातारको बर्षसंगै सिन्धुपाल्चोकको ठाडो सिंगार्चे खोलाको बाढीले बाह्रबिसे नगरपालिका–५ को जम्बु बजार बगाएको खबर प्राप्त भएको छ ।

भारी वर्षासँगै गए राति ११ बजेतिर आएको बाढीले भोटेकोसी नदीलाई थुनेपछि पानीको बहाब बढेकाले बजार बगाएसंगै कती जनधनको क्षती भयो भन्ने एकिन नभएको प्रहरीको भनाई रहेको छ ।

बजार क्षेत्रमा पसको बाढीले अहिलेसम्म दुई जनाको शव फेला परेको छ भने १८ जना बेपत्ता भएको प्रहरीले जानकारी दिएको छ । घटनाको थप क्षतिको बिस्तृत विवरण आउनै बाँकी रहेको जनाएको छ ।