लगातारको बर्षाका कारण जाजरकोटमा ९ जनाको मृत्यु,३ बेपत्ता एबं ५०० घर बिस्थापित ।

२८ असार २०७७–जाजरकोट । लगातारको बर्षाको कारण पहिरोले गाउँ बगाउन थालेपछि जाजरकोटको बारेकोटमा ९ जनाको मृत्यु ३ घाइते एबं ५०० भन्दा बढी घरपरिवार विस्थापित भएको खबर प्राप्त भएको छ ।

घर नजिकैबाट पहिरो जान थालेपछि बारेकोट–४ जिरीका ३२ घर, गोठगाउँका ८ घर, मैनागाउँका ५० भन्दा बढी घरपरिवार, वडा नं १ को धौलाकोटमा ३२ घरविस्थापित भएको प्रहरीले जनाएको छ ।

त्यस्तै वडा नं ५ को पाखा, तोलखाना र कालाखोलीका १५० भन्दा बढी घर विद्यालयमा आश्रय लिएका छन् । विस्थापितलाई दुई विद्यालयमा राखिएको बारेकोट गाउँपालिकाका प्रमुख प्रशासकीय अधिकृत गोविन्द सिंहको भनाई रहेको छ । सिंहका अनुसार ५०० भन्दा बढी घरधुरी विस्थापित भएर विद्यालय तथा जङ्गलमा बसेको बताएकाछन् ।

बिहीबार राति आएको पहिरोले बारेकोट–४ सार्कीटोलका दुई घर बगाउँदा ९ जनाको मृत्यु भएको छ भने ३ बेपत्ता भएका छन् । बेपत्ताको खोजीकार्य भइरहेको वडा नं ४ का वडाध्यक्ष सिर्जना बस्नेतको भनाई रहेको छ ।