असारे र ड्रोजरे बिकास बन्द गरियो ।

१ श्रावण २०७७–दक्षिणकाली । काठमाण्डौको दक्षिणकाली नगरपालिका वडा नं.५ ले असारे र ड्रोजरे बिकास बन्द गरेको जनाएको छ ।

वडा नं. ५ का वडाध्यक्ष श्यामबहादुर खत्रीका अनुसार आँफु निबार्चित भएर आएदेखी नै उक्त अभियानलाई प्राथमिकतामा राखेर बजेट सकाउनलाई असारे बिकास एबं पर्यावरणको नास गर्ने साथै ड्रोजरको मालिक र तेलवाला मोटाउने भएकाले ड्रोजरे विकास बन्द गरेको जनाएकाछन् ।

पञ्चायतकाल देखी शिक्षकको जागिर छाडेर राजनिति शुरु गरेको बिभिन्न समयमा गाँउ पञ्चायतको उप प्रधानपञ्च समेत भएकोले दक्षिणकाली नगरपालिका को वडा नं. ५ का जनताले सबै वडा सदस्यहरुलाई नेकपा बाट र अध्यक्षमा नेपाली काँग्रेसबाट बिजयी गराएकाले जनताको बिश्वासमा घात नगर्ने आफुले दिएको बचन पुरा गर्नको लागि पनि दिगो विकास र जनताको सहभागितामा विकासका कार्यक्रमहरु सञ्चालन गर्ने बताएकाछन् ।

आफुले आर्जन गरेको एबं पुर्ख्यौली सम्पती खर्च गर्न प्रशस्तै छ । छोराछोरी डाक्टर,शिक्षक छन्, अझ राज्यले खाना खाने पैसा पनि दिएको छ । त्यसैले पैसा कमाउनु नपर्ने भ्रष्टचार गर्नु नपर्ने र आफु ६४ बर्ष पुगिसकेको ले पैसा कमाउनु नपर्ने जनता र विकासको लागि लागिपर्ने समय भएकोले हतार हतार गरेर असारे र ड्रोजरे विकासमा नलाग्ने बताएकाछन् ।

दक्षिणकाली नगरपालिकाको पर्यटकिय एबं प्राकृतिक श्रोत सम्पन्न वडा भएकाले बिकासमा जनताको प्रत्यक्ष सहभागिता गराउनका लागि “जनताद्वारा जनताको लागि विकास,दिगो प्रभाबकारी र आर्थिक निकास” भन्ने अभिप्रायले रोजगार र विकास संगै अगाडी बढाएको अध्यक्ष खत्रीको भनाई रहेको छ ।

हरेक बर्ष नेपालका बिभिन्न क्षेत्रमा मानब निर्मित प्राकृतिक बिपत्तीको खबर सुन्नु पर्छ तर यस वडामा त्यस्तो किसिमको समस्या नरहेकोले जनता ढुक्क रहेको खत्रीले देश पोष्ट अनलाइन संगको अन्र्तबार्ताको क्रममा बताएकाहुन् ।

बजेटको समयमा नै कार्यान्वयन गर्ने,जनताको सहभागिता साथै अपनत्व र रोजगारी हुने गरी आबस्यकताको आधारमा गर्ने भएकाले सबै नागरिकहरुले बिश्वास गर्ने गरेको अध्यक्षको दाबी रहेको छ ।