५ बर्षिय बालकलाई सौतेनी आमाले कुटीकुटी मारिन ।

३ श्रावण २०७७–रौतहट । रौतहट जिल्लाको देवाही गोनाही नगरपालिका ४ दोहर टोलमा सौतेनी आमाले ५ बर्षिय बालकको कुटीकुटी मारेको खबर प्राप्त भएको छ ।

सौतेनी छाराले आफ्नो छोरालाई पिटेको निहुमा स्थानीय गणेश शहनिको २० बर्षीय श्रीमति फुलवादेवि शहनीले सौताको ५ बर्षीय छोरा कृष्ण शहनिलाई शुक्रबार सांझ मर्नासन हुनेगरी कुटपिट गरेको स्थानियको भनाई रहेको छ ।

कुटपिटबाट चोटपटक लागेका ५ बर्षिय बालक कृष्ण शहनी को उपचारको क्रममा शनिबार सुकदेव चौकस्थित नेपाल तराई अस्पतालमा मृत्यु भएको सशस्त्र प्रहरी बेस क्याम्प देवाहिका प्रमुख बिष्णु अधिकारीले जानकारी दिएकाछन् ।

यसैबीच कुटपिट गर्ने सौतेनी आमा फुलवादेवी शहनी लाई प्रहरीले नियन्त्रणमा लिएर अनुसन्धान थालेको इलाका प्रहरी कार्यालयका प्रहरी नायब उपरिक्षक ज्ञानकुमार महतोले जानकारी दिएकाछन् ।