संविधान प्रदत्त स्थानिय भाषामा अध्यापन गराउन नाछिरिङ्ग भाषाको पाठ्यपुस्तक बिमोचन ।

३ श्रावण २०७७–काठमाण्डौ । नेपालको संबिधानले प्रदत्त गरेको स्थानिय भाषामा अध्यापन गराउनका लागि नाछिरिङ भाषाको कक्षा १ र कक्षा २ को पाठ्यापुस्तक काठमाण्डौमा विमोचन गरिएको जानकारी प्राप्त भएको छ ।

नेपालका विभिन्न जिल्लामा बसोबास गरिरहेका नाछिरिङ राई भाषाको पठन–पाठनका लागि शनिबार काठ्माण्डौंमा आयोजित कार्यक्रममा आदिबासी जनजाती उत्थान राष्ट्रिय प्रतिष्ठानका उपाध्यक्ष गोकुलप्रसाद घर्ती, किरात राई यायोक्खाका केन्द्रीय अध्यक्ष दिवस राई, किरात राई प्रज्ञा परिषदका कुलपति जयकुमार राई, परिषदका सदस्य सचिव एबं भाषाविद डा. तारामणी राई, लोहोरुङ राई समाजका अध्यक्ष चित्रबहादुर लोहरुङ लगायतले पाठ्यापुस्तक बिमोचन गरेको खबर प्राप्त भएको हो ।

किरात रदु नाछिरिङ साखाम केन्द्र काठ्माण्डौंको पहलमा बनाइएको रामकुमार नाछिरिङ संयोजकत्वको पाठ्यक्रम तथा पाठ्यापुस्तक लेखन समितिले तयार पारेको पाठ्यापुस्तक साखामकै केन्द्रीय कार्यालय नारायणचौक कपनमा विचोचन गरिएको जनाएको छ ।

२०७६ साल जेठ १२ गते विमोचन गरिएको कक्षा १ को पाठ्यापुस्तकको परिमार्जित संस्करणलाई समेत कक्षा २ को पाठ्यापुस्तकसँगै विमोचन गरिएको हो । २०७६ सालदेखि सोलुखुम्बूको सोताङ गाउँपालिकाका पाँच विद्यालय र खोटाङको ऐसेलुखर्क गाउँपालिकाको पाँच विद्यालयमा नाछिरिङ भाषाको पठन–पाठन सुरु गरिएको श्रोतले जनाएको छ ।