भाद्र १ देखी हवाई सेवा सञ्चालन हुने ।

६ श्रावण २०७७–काठमाडौं ।  गत सोमबार साँझ बसेको मन्त्रिपरिषद् बैठकले साउन २१ गतेदेखि आन्तरिक हवाई उडान खोल्ने र आगामी भदौ १ गतेदेखि बाह्य उडान खुला गर्ने निर्णय गरेको जनाएको छ ।

सङ्घीय मामिला तथा सामान्य प्रशासन मन्त्री हृदयेश त्रिपाठीकाअनुसार तत्काल विद्यालय, क्याम्पस नखोल्ने अझै कोरोनाको सङ्क्रमण र त्रास कायमै रहेकाले अवस्था सामान्य भएपछि विद्यालय खुला गर्ने बैठकले निर्णय गरेको छ ।

लामो समयको लकडाउन पछी संस्कृति, पर्यटन तथा नागरिक उड्डयन मन्त्रालयले हवाई उडान सेवा सञ्चालन गर्ने प्रस्ताव पेश गरेको थियो ।

उडान सञ्चालनका लागि आवश्यक प्रोटोकल बनाउने जिम्मेवारी बैठकले पर्यटन मन्त्रालयलाई दिएको जनाइएको छ । नेपालमा कोरोना भाइरसको जोखिम बढेसँगै सरकारले गत वर्ष चैत्र ११ गतेबाट आन्तरिक र वाहय हवाई सेवा बन्द गरेको थियो ।