क्वारेन्टाइनको लागि नगरपालिकालाई १४ लाख बढीको सामग्री हस्तान्तरण ।

२० श्रावण २०७७, खोटाङ  जिल्लाको सदरमुकाम स्थित दिक्तेल रुपाकोट मझुवागढी नगरपालिकाको क्वारेन्टाईन ब्यवस्थापनको लागि खोटाङ जिल्लामै स्थापना भई क्रियाशिल रहेको स्थानीय ख्याती प्राप्त संस्थाको रुपमा परिचित संस्था श्री बालसेवा समाज नेपालले कोभिड १९ कोरोना भइरसका कारण निम्तिएको महासंकटबाट सुरक्षित रहनका लागि एक कार्यक्रमका बीच १४ लाख बढीको सामग्री हस्तान्तरण गरेको छ ।

क्रिश्चियन एडको आर्थिक सहयोगमा बालसेवा समाज नेपाल नेर्पा खोटाङद्वारा सञ्चालित सशक्तिकरणका लागि महिला संलग्नता र जीविकोपार्जनका लागि उद्यमशिलता योजना WE FEEL अन्तर्गत कोभिड १९ को महामारीबाट नागरिकहरुलाई सुरक्षित रहन सहज होस् भन्ने उदेश्यका साथ क्वारेन्टाइन ब्यवस्थापनार्र्थ संस्थाकी अध्यक्ष चन्द्रकला भुजेल मार्फत नगरपालिकाका मेयर दिपनारायण रिजाललाई हस्तान्तरण भएको छ ।

पहिलो चरणमा कोरोना भाईरसको विश्वब्यापी महामारीलाई न्युनिकरण गर्नको लागि बालसेवा समाज नेपालले दिक्तेल नगरपालिका अन्र्तगतका १५ वटै वडामा पुगी १५४१ घरधुरीका खाद्यान्न लगायतका करीब ३३लाख ९८ हजार बराबरको सामग्रीहरु वितरण कार्य सम्पन्न गरेको परियोजना प्रबन्धक युवराज रिजालले जानकारी दिएका छन् ।

दोस्रो चरणमा पुनः क्वारेन्टाइन केन्द्रित राहत सामग्रीको प्याकेज हस्तान्तरण गरिएको हो । दोस्रो चरणको राहत सामग्रीमा हस्पीटल आइसोलेशन बेड, (म्याट्रीस, सिरानी, वेड कभर, ब्लान्केट, झुल ५० सेट, व्यक्तिगत सरसफाइका सामग्री अन्तर्गत चप्पल, तुथपेष्ट, ब्रस, टावल, एन. ढछ माक्स, सावुन, सेनिटाइजर सेट १०० जनालाई, पानी व्यवस्थापनका लागि स्टेन सहितको ५ वटा ५०० लि. को हिल टेक खाद्यान्न सहयोग अन्तर्गत ६६ बोरा चामल, २०० के.जी. दाल, ५० लि. खानेतेल र ३४ पोका नून लगायतका सामग्री हस्तान्तरण गरिएको हो ।

प्रमुख अतिथिको रुपमा बोल्दै नगर प्रमुख दिपनारायण रिजालले यस महासंकटको वेला गैससहरुको भूमिकाको सन्दर्भमा बाल सेवा समाज नेपाल र नेपाल रेडक्रस सोसाइटी जिल्ला शाखा खोटाङले महत्वपूर्ण जिम्मेवारी निर्वाह गरेकोप्रति मुक्तकण्डले प्रसंशा गर्न सकिने कुरा व्यक्त गरेको छन् ।