त्रि.वि.को परिक्षा तत्काललाई स्थगन, सोको जिम्मा डिनको कार्यालयलाई ।

३० श्रावण २०७७–काठमाण्डौ । त्रिभुवन विश्वविद्यालय अन्तर्गतका सबै तहका परिक्षाहरु तत्कालको लागि स्थगन गरेको परीक्षा नियन्त्रक पुष्पराज जोशीले जानकारी दिएकाछन् ।

लामो समयको लकडाउन खुलेपछी आउँदो भदौ १६ गतेदेखि सेमेष्टर र असोजको पहिलो हप्तादेखि वार्षिक परीक्षाको तयारी गरेको जनाएको थियो । अहिले फेरि सङ्क्रमण बढिरहेकोले पुनः स्थगन गरेको जनाएको छ ।

परीक्षा नियन्त्रक जोशीका अनुसार अब हुने परीक्षाको जिम्मा डीन कार्यालयलाई दिइएको छ । कोभिड १९ सामान्य अवस्था आए पनि डीन कार्यालय नै परीक्षाको तयारी गर्ने छ ।

भदौ १ गतेदेखि लामो दूरीका यातायात सञ्चालन गर्ने सरकारको तयारी भएकोले विद्यार्थी काठमाण्डौ आउने र त्यसपछि परीक्षा सञ्चालन गर्ने तयारी गरिएको थियो । कोरोना भाइरसको सङ्क्रमण बढदै गएपछि गएको सोमबार बसेको मन्त्रिपरिषद् बैठकले भदौ १५ गतेसम्मका लागि लामो दूरीका यातायात चल्न नदिने निर्णय गरेसंगै त्रिवि अन्तर्गतको सबै परिक्षा तत्कालाई स्थगन गरेको जनाएको छ ।