जिल्लाभर लाग्ने हाट बजार बन्द गर्न जिल्ला प्रशासनको आदेश ।

३१ श्रावण २०७७–खोटाङ्ग । जिल्ला प्रशासन कार्यालय खोटाङले जिल्लाका विभिन्न ठाउँमा लाग्ने हाटबजार बन्द गर्ने निर्णय गरेको छ ।

लकडाउन हटाइएपछि सुरु भएको हाटबजारमा भीडभाड बढ्दा कोरोना संक्रमणको जोखिम बढेको भन्दै जिल्ला कोभिड संकट व्यवस्थापन केन्द्रको शुक्रबार बसेको बैठकको निर्णय अनुशार प्रशासनले जिल्लाका विभिन्न स्थानमा लाग्ने हाटबजार अर्को व्यवस्था नभएसम्मका लागि बन्द गराउने निर्णय गरेको सूचना मार्फत सर्बसाधरणलाई जानकारी गराएको प्रमुख जिल्ला अधिकारी शालिग्राम शर्मा पौडेलको भनाई रहेको छ ।

लकडाउनकाबेला बन्द रहेका हाटबजार लकडाउन खुलेपछि पुःन सञ्चालन भएपनि दिनानुदिन जोखिम बढिरहेको समयमा हाटबजारमा भिडभाड बढ्न थालेपछि प्रशासनले पूनःहाट बजार बन्द गर्ने निर्णय गरेको जानकारी प्राप्त भएको छ ।

हाल जिल्लाभर दिक्तेल,बाक्सिला, ऐसेलुखर्क, अर्खौले, बुईपा, मात्तिम, पञ्चमी, खोटाङबजार, चिसापानी लगायतका ठाउँमा साप्ताहिकरुपमा हाटबजार लाग्ने गरेको छ ।