खोटाङ्गलाई अर्को खुसी,स्वरोजगार कोषको उपाध्यक्षमा खोटाङ्गका डा.कल्याण रोका नियुक्त ।

२ भाद्र २०७७–काठमाण्डौ । युवा तथा साना ब्यबसाय स्वरोजगार कोषको कार्यकारी उपाध्यक्षमा डा. कल्याण रोका नियुक्त भएसंगै खोटाङ्गलाई अर्को खुसी थप भएको छ । यस अघि प्रेस काउन्सिल नेपालको सदस्यमा खोटाङकै दिपक पाण्डे नियुक्त भएका थिए ।

हिजो बसेको मन्त्रिपरिषदको बैठकले डा. देवराज रोका (कल्याण) लाई युवा तथा साना व्यवसायी स्वरोजगार कोषको कार्यकारी उपाध्यक्षमा नियुक्त गरेको जानकारी प्राप्त भएको हो ।

पूर्बको कालिकोट भनेर चिनिने खोटाङ्ग जिल्लाको दिप्रुङ्ग चुइचुम्मा गाउपालिकामा जन्मिएका रोकाले जनसंख्या अध्ययन, समाजशास्त्र, मानवशास्त्र, इन्टरनेशनल इकोनोमिक कोअपरेशन र राजनीतिकशास्त्र सहित ४ वटा विषयमा स्नात्तकोत्तर गरेकाछन् ।

चीनको वेइजिङ्गबाट राजनीतिक अर्थशास्त्रमा बिद्याबारिधी गरेका रोकाले नेपालको राजनिति र प्राध्यापनको समेत अनुभब लिएकोले युवा तथा साना ब्यबसाय स्वरोजगार कोषबाट आम युवाहरुलाई रोजगारी र आर्थिक उपार्जनमा बृद्वी गराउने आशा रहेको शुभेच्छुकहरुले बताएकाछन् ।