संसदलाई बितरण गर्न बनाएको लोगो भद्वा भएको भन्दै पुन बनाउनका लागि फिर्ता ।

४ भाद्र २०७७–काठमाण्डौ । २ लाल सुनको जलप सहितको नेपालको नयाँ नक्सा सहितको संघिय संसदलाई बितरण गर्ने भनिएको लोगो भद्वा भएको, साजसज्जासम्बन्धी समस्या देखिएको भन्दै सो को बनाउने जिम्मा पाएको घरेलु तथा साना उद्योग विकास समितीको कार्यालय ललितपुरलाई फिर्ता पठाएको जानकारी प्राप्त भएको छ ।

सचिवालयका प्रवक्ता डा. रोजनाथ पाण्डेले आज जारी गर्नुभएको विज्ञप्तिमा ब्याच पिनमा समस्या आएकाले सुधार र परिमार्जनका लागि मङ्गलबार फिर्ता गरिएपछी ब्याच पिन तयार गर्ने कार्यालयबाट नेपालको अद्यावधिक नक्सालगायतका विषयमा परिमार्जन गरी उपलब्ध गराउने प्रतिबद्धता व्यक्त भएको विज्ञप्तिमा उल्लेख छ । नयाँ प्रतीक चिह्नमा साविकमा प्रयोग भएको नेपालको नक्साको सट्टा नयाँ नक्सा राखी सङ्घीय संसद नेपाल थप गरिएको सचिवालयले जनाएको छ ।

सरकारले अद्यावधिक गरिएको नेपालको राजनीतिक तथा प्रशासनिक नक्साअनुसार संसद्को प्रतीक चिह्नमा रहेको नेपालको नक्सामा समेत सुधार गर्न प्रतिनिधिसभा तथा राष्ट्रियसभा कार्यव्यवस्था परामर्श समितिको बैठकबाट निर्णय भई सभामुख र अध्यक्षले स्वीकृत गरेपछी तयार गरिएको थियो ।