नगरपालिकाको ‘मेरो प्रतिज्ञाःमेरो प्रतिबद्धता’ सार्बजनिक महत्वको कार्यक्रम ।

४ भाद्र २०७७–खोटाङ । जिल्लाको दिक्तेल रुपाकोट मझुवागढी नगरपालिकाले ‘मेरो प्रतिज्ञाः मेरो प्रतिबद्धता’ सार्बजनिक महत्वको कार्यक्रम सञ्चालन शुरु भएको जानकारी प्राप्त भएको छ ।

चालु आ.व. २०७७र०७८को निति तथा कार्यक्रममा “सोह्र बुँदे नागरिक दायित्व पूरा गर्न नगरबासीलाई सहमत गराएर कार्यक्रम अघि बढाउन निर्देशिका तयार गरिएको थियो ।

नगरपालिकाले लागू गरेको ‘मेरो प्रतिज्ञाः मेरो प्रतिबद्धता’ कार्यक्रममा ‘म खाना खेर फाल्दिन, म कुनै पनि प्रक ारको सामाजिक विभेद र हिंसामा संलग्न हुन्न, म मेरो जमिन बाँझो राख्दिन, म सार्वजनिक ठाउँमा धुम्रपान तथा मद्यपान गर्दिन, म सार्वजनिक सम्पत्तीको संरक्षण गर्ने छु, म खोलामा करेन्ट र विषादीको प्रयोग गर्दिन, म रासायनिक मल प्रयोग गर्दिन, म अर्गानिक उत्पादनमा जोड दिन्छु, म सार्वजनिक स्थलमा बनेका घर टहरा भत्काउने छु, नक्सा पास नगरी मापदण्ड विपरित घर टहरा बनाउने छैन’ लगायतका बुँदा समावेश गरिएको छ ।

म श्रोतबाटै फोहोरको वर्गिकरण गरी कुहिने फोहोरलाई कम्पोष्ट प्लान्टमा पठाउने छु, म अनिवार्य रुपमा सावुन पानीले हात धोएर वा सेनिटाइजर प्रयोग गरेर मात्र सार्वजनिक ठाउँमा प्रवेश गर्ने छु, म सामाजिक दूरी कायम गरेर मात्र दैनिक गतिविधि गर्ने छु, म खुद्रा, खाद्यान्न तथा तरकारी पसलमा अनिवार्य स्थानीय उत्पादनलाई समावेश गर्ने छु, म लागूपदार्थ तथा दुव्र्यसनीमा फस्ने छैन, म सिष्टाचारयुक्त व्यवहार गर्ने छु, नगरपालिकाले बनाएका ऐन, कानून र आचार संहिताको पूर्णरुपमा परिपालना गर्ने छु, विकास निर्माणका लागि लगाइएका कर इमान्दार पूर्वक तिर्नेछु’ भन्ने बुँदाको पालना गर्नुपर्ने उक्त कार्यक्रममा उल्लेख गरिएको छ ।

कार्यक्रम सञ्चालनको लागि कुनै बजेट नचाहिने, इच्छाशक्ति भए पुग्ने नगरपालिकालाई समृृद्ध, आत्मनिर्भर र सुसँस्कृत बनाउने लक्ष्यअनुसार ‘मेरो प्रतिज्ञाः मेरो प्रतिवद्धता’ कार्यक्रम ल्याइएको नगरप्रमुख दिपनारायण रिजालको भनाई रहेको छ ।