भाद्र मसान्त सम्म नखुल्ने भयो आन्तरिक उडान र लामोदुरीका यातायात ।

१५ भाद्र २०७७–काठमाण्डौ । मन्त्रिपरिषद्को हिजो आइतबार साँझ बसेको बैठकले भाद्र मसान्त सम्म आन्तकि उडान र लामो दूरीका यातायातका साधन सञ्चालन नगर्ने निर्णय गरेको जनाएको छ ।

सरकारले कोरोना भाइरसको संक्रमण बढ्दै गएको भन्दै तत्कालका लागि लामो दूरीका यातायातका साधन, हवाई उडान र शिक्षण संस्था सञ्चालन नगर्ने निर्णय गरेको हो ।

यसअघि सरकारले भदौ १६ गतेदेखि लामो दूरीका यातायातका साधन र आन्तरिक हवाइ उडान चलाउने निर्णय गरेको थियो ।

कोरोना महामारी बढेपछि राजधानी काठमाडौंमा करिब दुई सातादेखी निषेधाज्ञा जारी छ । तरपनि कोरोना संक्रमितको संख्या न्युनिकरण्णमा आएको छैन । लकडाउन सुरु भएको साढे ३ महिनापछि सरकारले गत असार २६ गतेदेखि छोटो दुरीका सवारी साधन सञ्चालन गर्ने निर्णय गरेको थियो ।