कोरोना गीत

संस्किृतीविद डा.भक्त राई

दुनियाँमा आज एक्लै, बाँच्ने दिन आयो
बिना ताल,बिना दर्शक, नाँच्ने दिन आयो ।

मान्छे आज मान्छेबाटै, भाग्ने दिन आयो
आफ्नोसङ्ग आफै बिदा, माग्ने दिन आयो ।

बिना खुसी,बिना कारण, हाँस्ने दिन आयो
बिना ताल, बिना दर्शक, नाच्ने दिन आयो ।

मान्छेले नै समाजलाइ, छोड्ने दिन आयो
सामाजिक सम्बन्धलाई, तोड्ने दिन आयो ।

आफ्नो खुसी आफैलाई, साँच्ने दिन आयो
बिना ताल, बिना दर्शक, नाच्ने दिन आयो ।