विश्वकर्माको पुजा संगै ६ महिनापछी लामो दुरीको यातायात सञ्चालनमा ।

१ असोज २०७७–काठमाण्डौ । कोरोना भाइरस कोभिड १९ का कारण गत २०७६ साल चैत्र ११ गत्ते देखी लकडाउन भएसंगै बन्द भएको लामो दुरीको यातायात ६ महिना पछी आज बिश्वकर्मा पुजा गरेसंगै सञ्चालनमा आएको छ ।

मन्त्रिपरिषद्को बैठकले लामो दुरी तथा अन्तरजिल्ला यातायात सञ्चालन गर्न अनुमति दिएसँगै बुधबार नेपाल यातायात व्यवसायी महासंघ र तीनवटा मजदुर ट्रेड युनियनले संयुक्त रुपमा छलफल गरेर लामो तथा छोटो दुरीका सबै गाडी सञ्चालन गर्ने निर्णय गरेको जनाएको थियो ।

सरकारले कोरोना भाइरसको महामारीको समयमा ५० प्रतिशतसम्म भाडा बढाउन पाउने अनुमति दिएसंगै सोही बमोजिम यातायात सञ्चालन गरेको यातायात ब्यबसायी महासंघले जनाएको छ ।

गाडीको सिट क्षमताको आधा मात्र यात्रु राख्नुपर्ने र चालक, सहचालक एबं यात्रुहरुले मास्क, सेनिटाइजर अनिवार्य प्रयोग गनुपर्ने मापदण्ड अनुसार सोही बमोजिम सर्बसाधरणलाई जानकारी समेत गराईने महासंघको भनाई रहेको छ ।