आज: | Sat, 30, Sep, 2023
देश पोस्ट ३ असोज २०७७–खोटाङ । जिल्लाको दिक्तेल रुपाकोट मझुवागढी नगरपालिका र वालसेवा समाज नेपालको साझेदारीमा कम्पोष्ट मल प्रबर्धनको लागि ब्यबस्थित गोठ निर्माणको कार्यक्रम सञ्चालन भएको जानकारी प्रँप्त भएको छ ।
क्रिष्चियन एड नेपालको सहयोगमा बाल सेवा समाज नेपाल, नेर्पा खोटाङद्वारा सञ्चालित शसक्तिकरणका लागि महिला संलग्नता र जीविकोपार्जनका लागि उद्यमशिलता WE-FEEL परियोजना अन्तर्गत दिक्तेल रुपाकोट मझुवागढी नगरपालिकाको वडा नं. २ सोल्मामा गठीत अजम्बरी कृषक समूहमा पशुलानका लागि गोठ सुधारका कार्यक्रम कार्यान्वयनमा ल्याइएको वालसेवा समाज नेपालकी अध्यक्ष चन्द्रकला भुजेलको भनाई रहेको छ ।
दिगो भू व्यवस्थापनका माध्ययमबाट कृषि उत्पादन र उत्पादकत्व बृद्धी गरी कृषकको जीवनस्तर सुधारमा अत्मनिर्भता तर्फ उन्मुख गराउनका लागि समृद्ध नगर निर्माणमा नगरपालिकालाई सहयोग पु¥याउन, कम्पोष्ट मल प्रवर्धन मार्फत अर्गानिक कृषि उत्पादनमा जोड दिन उक्त कार्यक्रम सञ्चालन गरिएको परियोजना प्रबन्धक युबराज रिजालले जानकारी दिएकाछन् ।
दिक्तेल रुपाकोट मझुवागढी नगरपालिकासँगको सहकार्यमा सोल्मास्थितअजम्बरी कृषक समूहका १९ घर परिवारमा सुधारिएको स्थायी र दीगो जस्तापाताको छाना सहितको फलामे ट्रष्टलगाएर गोठ निर्माण गरिएको हो । नगरपालिकाले गोठ निर्माणका लागि सिमेन्ट उपलब्ध गराएको छ भने अन्य ट्रष्ट तथा छाना निर्माण कार्यका लागि बालसेवा समाज नेपालको करीब ७ लाख ९५ हजार रुपैयाँ र समूदायको समेत थप लगानीमा उक्त कार्यक्रम सञ्चालन गरिएको प्रबन्धक रिजालको भनाई रहेको छ ।
एउटा गोठ निर्माण गर्न करीब ६५,०००।– लागत लागेको र नगरपालिका, बालसेवा समाजको र स्थानीय जनसमूदाय समेतको करीब १२,३५,०००। लगानीमा उक्त कार्यक्रम सम्पन्न गरेको संस्थाले जनाएको छ ।
सोेल्मा स्थीत १९ वटा ब्यबस्थित गोठको निर्मााण कार्य सम्पन्न गर्नको लागि गत शुक्रबार दिक्तेल रुपाकोट मझुवागढी नगरपालिकाका मेयर दिपनारायण रिजालले कृषकहरुलाई जस्तापाता हस्तान्तरण समेत गरेको संस्थाको भनाई रहेको छ ।
नगरपालिकाले स्थापना गरेको कम्पोष्ट मल प्लान्ट सञ्चालनका लागि समेत योगदान पुग्ने अपेक्षा गरिएको जनाएको छ । संस्थाले ५० वटागोठ सुधारको लक्ष राखेको मा खार्मी र पाथेकामा पनि अन्य गोठ निर्माणको कार्य अन्तिम चरणमा पुगेकोले उक्त गोठहरु चाडै हस्तान्तरण हुने परियोजना प्रबन्धक युवराज रिजालको भनाई रहेको छ ।
सूचना विभाग दर्ता नं. – १५०३/०७६/०७७
प्रवन्धक/सम्पादक : लोकमणि रिजाल
सह-सम्पादक :अस्मिता खत्री
सह-सम्पादक : तेन्जु योन्जन (मलेसिया)
कानूनी सल्लाहकार : ओम प्रकाश घिमिरे
दिक्तेल, रुपाकोट मझुवागढी-१४ खोटाङ्ग, प्रदेश नं. १
मोबाईल नं ९८४२९०६६४२
Email: [email protected]
