नगरपालिका भरीका जेठा बा छबिलालको सम्मान ।

देश पोष्ट /१६ असोज २०७७–खोटाङ । जिल्लाको दिक्तेल रुपाकोट मझुवागढी नगरपालिकाले ज्येष्ठ नागरिक दिबशको अबसर पारेर १५ वटा वडा रहेको पालिका भरिका जेठा बा को रुपमा १०३ बर्षिय छबिलाल नेपाली लाई गत बिहिबार सम्मान गरेको जनाएको छ ।

३ हजार भन्दा बढी संख्यामा रहेका ज्येष्ठ नागरिकहरु मध्येको जेठा नगरपालिकाको वडा नम्बर–१४ बुइपाका १०३ वर्षीय छविलाल नेपालीलाई नगद रु २० हजार र सम्मान पत्र सहित नगरपालिकाभरीकै सबैभन्दा ज्येष्ठ नागरिक नेपालीलाई सुस्वास्थ्य एवम् दिर्घायुको कामना गर्दै नगरप्रमुख दीपनारायण रिजाल, उपप्रमुख विणादेवी राई, वडाध्यक्ष दिनेश राई लगायतले नेपालीको बुइपाको दम्कु स्थीत घरमै पुगेर सम्मान गरिएको जनाएको छ ।

शारीरिकरुपमा अझै पनि सक्रिय रहेका नेपाली १०० वर्ष नाघेपछि सामाजिक सुरक्षा भत्ता घरैमा लगेर प्रदान गर्ने गरिएको वडा अध्यक्ष दिनेश राईले जानकारी दिएकाछन् ।

जेष्ठ नागरिक नेपालीले कान कम सुने पनि उहाँ अझै स्पष्ट बोल्न र देख्न सक्ने अवस्थामा रहेको वडाध्यक्ष राईको भनाई रहेको छ । दैनिक नृत्यकर्म आफै गर्ने, हिँडडुलदेखि घरका सामान्य कामसमेत सघाउने यी यस्ता इतिहाँस हाम्रा सम्पती भएकाले उनिहरुको भोगाई र सिकाईलाई नगरले श्रोतका रुपमा लिने नगर प्रमुख रिजालको भनाई रहेको छ ।

वि.सं. १९७५ वैशाख १५ गते जन्मिएका नेपालीलाई केहि समयअघि वडा कार्यालय बुइपाले पनि दोसल्ला ओढाएर सम्मान गरेको थियो । नगरकै सबैभन्दा जेष्ठ नागरिक छविलालका चार छोरा र दुई छोरी छन् ।