सामाजिक सुरक्षा भत्ता बैंकिङ प्रणाली बाट ।

देश पोष्ट/२० असोज २०७७–खोटाङ । जिल्लामा सामाजिक सुरक्षा भत्ताको दुरुपयोगको बिषयमा बिभिन्न पालिकामा चर्चा चलिरहेको बेला हलेसी तुवाचुङ नगरपालिकाले भने तीन वटा बैंकहरु मार्फत सामाजिक सुरक्षा भत्ता वितरणको लागि सम्झौता गरेको जानकारी गराएको छ ।

हलेसी तुवाचुङ नगरपालिकाले ११ वटा वडाका लाभग्राहीलाई माछापुछ्े बैंक, सालपा बिकास बैंक र सेञ्चुरी बैंकको महादेवस्थान शाखाबाट सामाजिक सुरक्षा भत्ता वितरण गर्नको लागि बैंकहरु संग नगरपालिकाले सम्झौता गरेको उपमेयर बिमला राईले जानकारी दिएकीछन् ।

चालु आर्थिक वर्षको दोश्रो चौमासिकदेखि सबै लाभग्राहीलाई नेपाल सरकारले जारी गरेको ‘सामाजिक सुरक्षा कार्यक्रम सञ्चालन कार्यविधि २०७५ बमोजिम बैंकिङ प्रणालीमार्फत सामाजिक सुरक्षा भत्ता वितरण गर्ने सम्झौता गरिएको मेयर इवन राईले बताएकाछन् ।

आगामी दोश्रो चौमासिकदेखि माछापुछ्े बैंक, सालपा बिकास बैंक र सेञ्चुरी बैंकले आ–आफ्नो क्षेत्रमा पर्ने वडामा पुगेर लाभग्राहीलाई सामाजिक सुरक्षा भत्ता वितरण गर्ने सम्झौतामा उल्लेख छ । नगरपालिकामा महिला १ हजार ८३१ जना र पुरुष १ हजार ११४ जना गरी २ हजार ९४५ जना सामाजिक सुरक्षा भत्ता पाउने लाभग्राही छन् ।

सामाजिक सुरक्षा भत्ता वितरणलाई पारदर्शी बनाउनका लागि नगरपालिकाले गत आ.व. २०७५र०७६ मा बैंकमार्फत सामाजिक सुरक्षा भत्ता वितरणका लागि माछापुछ्े बैंकसँग सम्झौता गरिएको थियो उक्त सम्झौता बमोजिम २०७६ साल असारमा बैंकमार्फत चौथो चौमासिकको भत्ता वितरण पछी २५ लाख रकम फिर्ता भएको आधारमा हाल ३ वटा बैंक मार्फत सम्झौता नै गरेर सामाजिक सुरक्षा भत्ता बितरणलाई अगाडी बढाईएको मेयर राईको भनाई रहेको छ ।