खोटाङमा लागु औषध सञ्चालक पक्राउ ।

 देश पोष्ट/३० असोज २०७७–खोटाङ । जिल्लाको हलेसी तुवाचुङ नगरपालिका वडा नं. १ बाहुँनीडाँडामा लागु औषध उत्पादन उद्योग सञ्चालन गर्दै आएका २ युवकलाई पक्राउ गरेको जनाएको छ ।

स्थानीय बासिन्दाले दिएको गोप्य सूचनाको आधारमा इलाका प्रहरी कार्यालय हलेसीबाट खटिएका टोलीले गाँजा,सुर्ती र चुनाको मिश्रण गरी लागु औषधको उद्योग नै सञ्चालन गर्दै आएका बाहुनीडाँडा बयक्ताका २१ वषिय शुवास राई र एै एै बस्ने बर्ष २३ का अविन नेपालीलाई लागु औषध बनाइरहेकै बेला पक्राउ गरिएको जिल्ला प्रहरी कार्यालय खोटाङका प्रमुख प्रहरी नायब उपरीक्षक नारायणप्रसाद चिमरियाले जानकारी दिएका छन् ।

उद्योगबाटै पक्राउ परेका उनीहरु दुवै जनालाई लागु औषध उत्पादन तथा कारोवार सम्बन्धी मुद्दा दर्ता गरेर कारबाहीको प्रक्रिया अगाढि बढाइएको प्रहरीको भनाई रहेको छ ।

उक्त उद्योगबाट ७ किलो गाँजा, १५ बोरा प्याकिङ गरिएको भाले ब्राण्डको सुर्ती, दुई बोरा खुला सुर्ती, दुई बोरा चुना, एक बोरा लागु औषध प्याकिङ गर्ने प्लाष्टिक, एक थान लागु औषध बनाउने मेसिन, दुई बोरा लागु औषध प्याकिङ गरिएको प्याकेटमा टालिने स्टिकर, दुई थान फलामे दाउ र एक थान अचानो बरामद गरिएको प्रहरीले जनाएको छ । पक्राउ परेका दुवै जनालाई जिल्ला प्रहरी कार्यालयले बिहिबार पत्रकार सम्मेलनमार्फत सार्वजनिक गरेको छ ।