दशैँतिहार मनाउन गाँउपालिकाको राहत ।

देश पोष्ट/३ कार्तिक २०७७–खोटाङ । जिल्लाको रावाबेँसी गाउँपालिका भित्रका एकल महिला, दलित र गरिब घर परिवारको पहिचान गरी दशैं तिहार मनाउनका लािग राहत बितरण गरिएको जानकारी प्राप्त भएको छ ।

गाउँपालिकाले प्रति घर परिवार ३० किलोग्राम चालम, दुई किलोग्राम दाल, दुई लिटर खानेतेल, दुई किलोग्राम नुन र एक डल्ला हात धुने साबुन उपलब्ध गराएको गाँउपलिका अध्यक्ष लिलानाथ निरौलाले जानकारी गराएकाछन् ।

पालिकाका ४१५ घर एकल महिला, दलित र गरिब परिवारलाई रु नौँ लाख ६३ हजार बराबरको राहत सामग्री उपलब्ध गराइएको ,दैनिक रुपमा ज्यालादारी काम गरेर जीवन निर्वाह गर्दै आएका परिवारलाई खाद्यान्न अभावमा चाड मनाउन समस्या भएकाले स्वीस सरकारको आर्थिक सहयोगमा राहत सामग्री उपलब्ध गराइएको अध्यक्ष निरौलाको भनाई रहेको छ ।

राहत सामग्री वितरण गर्नुअघि गाउँपालिका तथा घरेलुमा आधिकारिक दर्ता भएर सञ्चालनमा रहेका होलसेल तथा खुद्रा पसलसँग सम्झौता गरिएको गाउँपालिकाले जनाएको छ । लक्षित वर्गलाई राहत सामग्री उपलब्ध गराउने होलसेल तथा खुद्रा पसललाई गाउँपालिकाले बैङ्कमार्फत भुक्तानी दिने व्यवस्था मिलाइएको गाउँपालिकाका प्रमुख प्रशासकीय अधिकृत रेखबहादुर थापाले जानकारी दिएकाछन् ।

गाउँपालिकाले वडा नम्बर–१ कुभिण्डेका ७०, वडा नम्बर–२ खार्पाका ६५, वडा नम्बर–३ लामीडाँडाका ७०, वडा नम्बर–४ धारापानीका ६८, वडा नम्बर–५ दुवेकोलका ५५ र वडा नम्बर–६ हौँचुरका ६५ घर परिलाई चाड मनाउनका लागि गाउँपालिकाले आ–आफ्नै वडामा सञ्चालित पसलमार्फत निःशुल्क दैनिक उपभोग्य सामग्री उपलब्ध गराएको हो ।