कलाकार मनोज गजुरेलको स्वास्थ्य सुधार हुँदै

देशपाेष्ट । कोरोना संक्रमित भएर आईसियुमा उपचार गराइरहेका हास्यकलाकार मनोज गजुरेलको स्वास्थ्यमा सुधार आएको गजुरेलको परिवारले जनाएको छ । ‘उहाँलाई निमोनिया देखिएको छ,’ परिवारका एक सदस्यले जानकारी दिए । ‘कोरोना लागेका धेरैजसो बिरामीलाई निमोनिया पनि देखिने रहेछ। अवस्था सामान्य छ। सुधारोन्मुख छ।’
गत कात्तिक १० गते उनलाई कोरोना पुष्टि भएको थियो । कोरोना पुष्टि भएदेखि गजुरेल होम आइसुलेसनमा रहदै आएका थिए तर बुधबार बाट निरन्तरको खोकि लगेर स्वास्थ्य अवस्था गम्भिर बनेपछि उनलाई बलम्बु स्थित सशस्त्र प्रहरी बलको अस्पतालमा आईसियूमा भर्ना गएिको थियो ।
गजुरेललाई अहिले पनि  ‘आइसियु ब्याकप’मा राखिएको छ। ‘निमोनिया देखिएकोले आइसियु ब्याकअपमा राखिएको हो। उहाँको स्वास्थ्य गम्भीर भएर आइसियुमा राखेको होइन,’ गजुरेलका परिवारका सदस्यले भने, ‘अवस्था सामान्य छ।’