हत्याकाे १६ वर्ष पछि हत्यारा पक्राउ

देशपाेष्ट । १६ वर्ष अगाडी चितवनमा एकजनाको हत्या गरि फरार रहेका अभियुक्तलाई प्रहरीले पक्राउ गरेको छ । चितवनको कठराका जीवन लोहनीको हत्या संलग्न भई फरार रहेका झापाका रामकुमार गिरीलाई महानगरीय अपराध महाशाखाले पक्राउ गरेको हो ।
काठमाडौँ रानीबारी बस्ने लोहनीको हत्या आरोपमा झापाको मेचीनगर नगरपालिका–७ आर्याबारीका ३३ वर्षीय गिरीलाई भक्तपुर चाँगुनारायण नगरपालिकाबाट सोमबार पक्राउ गरेको महाशाखाका प्रमुअ प्रहरी बरिष्ठ उपरीक्षक (एसएसपी) दीपक थापाले बताए । पक्राउ परेका गिरीमाथि थप अनुसन्धान भइरहेको र म्याद थपको लागि काठमाडौँ जिल्ला अदालतमा बुझाइएको महाशाखाले जनाएको छ ।
के थियो घटना ?
२०६१ माघ ११ गतेको घटना हो । त्यतिबेला रानीबारी बस्दै आएका जीवन लोहनीले प्रकाश लामाकाे कानमा लगाएको मुन्द्रा मागेका थिए । प्रकाश लामाले मुन्द्रा नदिएपछि सोही विषयमा विवाद हुँदा लोहनीले लामालाई कुटपिट गरेका अनुसन्धानबाट खुलेको छ ।
लामालाई कुटपिट गरेको निहुँमा पक्राउ परेका गिरीसहितको टोलीले लोहनीलाई कुटपिट गरे । कुटपिटको क्रममा केही दिनपछि लोहनीको उपचारको क्रममा मृत्यु भयो । लोहनीको मृत्युमा संलग्न गिरीलाई अदालतले २०६४ असार ११ गते दोषी ठहर गर्दै कैद सजाय तोक्यो ।
अदालतको आदेश लगत्तै गिरी फरार भए । अदालतको आदेशपछि भित्रभित्र सेटिङ मिलाएर गिरी खाडी मुलुक (विदेश) गए । अनुसन्धानको क्रममा गिरी ५ वर्षभन्दा बढि विदेशमा बसेर नेपाल फर्किएका गिरी लुकिछिपी बसे ।
नेपालमा बस्दा गिरीले आफूलाई सनोज गिरी, हरि गिरी भन्दै लुकिछिपी हिँड्थे । सोही क्रममा प्रहरीले पछ्याउँदै जाँदा सोमबार गिरीलाई भक्तपुरको चाँगुनारायणबाट महाशाखाको टोलीले पक्राउ गरेको हो ।