सुनिल थापा कांग्रेसको सह–महामन्त्री नियुक्त

देशपाेष्ट/काठमाण्डाैं । नेपाली कांग्रेसको सह–महामन्त्रीमा सुनिल बहादुर थापा नियुक्त भएका छन् । शुक्रबार पार्टी कार्यालयमा बसेको केन्द्रीय समिति बैठकले थापालाई सहमहामन्त्री बनाउने निर्णय गरेको सहमहामन्त्री प्रकाशशरण महतले जानकारी दिए।

यसका साथै बैठकले थापासँगै कांग्रेसमा प्रवेश गरेका ६ जनालाई केन्द्रीय सदस्य बनाउने निर्णय समेत गरेको छ। बैठकले रामप्रसाद भट्टराई,  विष्णुविक्रम थापा, बाबुराम बस्नेत, वृजलाल यादव, किरण गिरी र टि.एन. योगीलाई केन्द्रीय सदस्य बनाउने निर्णय गरेको हो।

यसैगरी, दिलिप राई आशाराम चौधरी र राजेशबहादुर सिंहलाई आमन्त्रित केन्द्रीय सदस्य बनाउने निर्णय गरिएको छ।

केहि समय अगाडी थापा राप्रपा छाडेर कांग्रेस प्रवेश गरेका हुन् ।