गाउँपालीकाद्वारा विपन्न परिवार तथा सुत्केरी महिलालाई राहत वितरण

देशपाेष्ट/काठमाण्डाैं । खोटाङ जिल्लाको दिप्रुङ चुइचुम्मा गाउँपालिकाले पालिका भित्रका विपन्न परिवार तथा सुत्केरी महिलाहरुलाई राहत वितरण गरेको छ । नेपाल कृषि सेवा विकासको सहकार्यमा पालिका भित्रका अति विपन्न र सुत्केरी परिवार गरि करिब २४० परिवारलाई राहत वितरण गरिएको हो ।

विश्वव्यापी महामारीको रुपमा फैलिएको कोभिड–१९ को कारणले मारमा परेका पालिका भित्रका अति विपन्न परिवार र सुत्केरी परिवारलाई भौचर प्रणली मार्फत राहत शुक्रबार राहत वितरण गरिएको हो ।

राहत वितरणको पहिलो चरणमा पालिकाको वडा नं. १ याम्खाका अति विपन्न ३०, सुत्केरी महिला ३३ जना, वडा नं. २ डाडाँगाउँमा अति विपन्न-३० सुत्केरी महिला-२८ जना, वडा नं. ३ छोरम्बुमा अति विपन्न-३० सुत्केरी महिला – २४ जना र वडा नं. ५ सप्तेश्वर छितापोखरीका अति विपन्न- ३० र सुत्केरी महिला ३२ जनालाई राहत वितरण गरिएको गाउँपालिका प्रमुख भुपेन्द्र कुमार राईले बताउनुभयो ।

राहत वितरण गर्न बाँकि रहेका वडा हरु टेम्मा, छितापोखरी र बतासेमामा दोस्रो चरणमा शनिबार भौचर प्रणाली मार्फत राहत वितरण गरिने पनि पालिका प्रमुख राईले जानकारी दिनुभयो ।

दुई नगरपालिका र आठ गाउँपालिका गरि दश स्थानिय तह रहेको खोटाङ जिल्लामा भौचर प्रणली मार्फत पहिलो राहत वितरण हो ।