दिक्तेल रुपाकोट मझुवागढी नगरपालिका प्रमुखमा कांग्रेसका तीर्थराज र उपप्रमुखमा माओवादीका विसन विजयी

देश पोष्ट / खोटाङ । खोटाङको दिक्तेल रुपाकोट मझुवागढी नगरपालिकामा नगरपालिका प्रमुख र उपप्रमुखमा गठबन्धन विजयी भएको छ ।

नगरपालिकामा नगरपालिका प्रमुख कांग्रेसका तीर्थराज भट्टराई र उपप्रमुखमा माओवादी केन्द्रका विसन राई विजयी हुनुभएको हो ।

नेकपा एमालेका उम्मेदवार कुमार आचार्यलाई हराउदै नगरपालिका प्रमुखमा गठबन्धनका तर्फबाट भट्टराई प्रमुखमा र उपप्रमुखमा एमालेकी विणादेवी राईलाई हराउदै माओवादी केन्द्रका राई विजयी हुनुभएको हो ।

१५ वडाको सम्पन्न मत परिणाम अनुसार मेयर भट्टराईले ११ हजार ३८९ मत पाउँदा आचार्यले ६ हजार ९९६ मत प्राप्त गर्नुभएको हो ।

बिसन उपमेयरले १० हजार ४३८ मत पाएर निर्वाचित हुंदा एमालेका उपमेयर उम्मेदवार बिणादेबी राई ७ हजार ३१९ मत प्राप्त गर्नुभएको हो ।

राप्रपाबाट मेयरका प्रत्यासी जीवनकुमार श्रेष्ठले ४०५ मत र उपमेयरका प्रत्यासी चन्द्रकुमारी राई ताराले ५६६ मत पाएका छन्।

यस्तै, वडातर्फ वडाध्यक्षहरुमा

१ वडा नम्बर दिक्तेलमा कांग्रेसका नवराज राई

२ वडा नम्बर सोल्मामा माओवादी केन्द्रका धुब्रविक्रम राई

३ वडा नम्बर बाम्राङमा एमालेका महेन्द्र बहादुर राई

४ वडा नम्बर खाल्लेमा माओवादीका खगेन्द्र राई

५ वडा नम्बर लफ्याङमा कांग्रेसका दिनेश घिमिरे

६ वडा नम्बर नेर्पामा माओवादीका माधब राई

७ वडा नम्बर दोर्पाचिउरीडाँडामा कांग्रेसका हरि चौलागाँइ

८ वडा नम्बर बुवालुङमा एमालेका लिलाकुमार चौहान

९ वडा नम्बर निर्मलीडाँडामा माओवादी केन्द्रका दिनेश कठायत

१० वडा नम्बर पाथेकामा जसपाका मुगाधन राई

११ वडा नम्बर खार्मीमा माओवादीका ईखबहादुर राई

१२ वडा नम्बर जालपामा माओवादी केन्द्रका दानबहादुर राई

१३ वडा नम्बर नुनथलामा माओवादी केन्द्रका भगेश्वर राई

१४ वडा नम्बर बुईपामा एमालेका दिनेश राई

१५ वडा नम्बर विजयखर्कमा कांग्रेसका रामबहादुर कटवाल