हलेसी तुवाचुङ नगरपालिकाको प्रमुखमा काँग्रेसकी विमला र उपप्रमुखमा रमेश विजयी

देश पोष्ट /खोटाङ । खोटाङको हलेसी तुवाचुङ नगरपालिकाको प्रमुख र उपप्रमुखमा काँग्रेस विजयी भएको छ ।

नगरपालिकाको प्रमुखमा विमला राई र उपप्रमुखमा रमेश राउत विजयी हुनुभएको छ ।

विमलाले आफ्ना निकटतम् प्रतिस्पर्धी नेकपा (एमाले)का खडेन्द्रकुमार राईलाई ३५१ मतले तथा राउतले नेकपा (माओवादी केन्द्र)का उम्मेदवार अमेम्बर राईलाई २७३ मतले पछि पार्दै प्रमुख र उपप्रमुखमा विजयी हुनुभएको हो ।

प्रमुखमा विमलाले ६३१७ मत ल्याएर विजयी हुनुभएको हो भने उपप्रमुखमा राउतले ५९३४ मत ल्याएर विजयी हुनुभएको हो ।

खडेन्द्रले ५९६६ मत प्राप्त गर्नुभएको थियो भने राईले ५६६१ मत मात्र ल्याउनुभएको हो ।

दश स्थानीय तह रहेको जिल्लामा विमला नगरप्रमुखमा निर्वाचित हुनुहुने पहिलो महिला बन्नुभएको छ । वि.सं. २०७४ सालको निर्वाचनमा काँग्रेसबाटै उपप्रमुखमा विजयी हुनुभएको थियो ।

त्यस्तै, वडातर्फ वडाध्यक्षमा

वडा नं. १ बाहुनीडाँडामा रुद्रकुमार राई (काँग्रेस)

वडा नं. २ डिकुवामा देवेन्द्रकुमार राई (काँग्रेस)

वडा नं. ३ च्यास्मिटारमा भूपालसिं राई (काँग्रेस)

वडा नं. ४ बडहरेमा किशोरकुमार बस्नेत (काँग्रेस)

वडा नं. ५ दुर्छिममा रुपेन्द्रकुमार राई (काँग्रेस)

वडा नं. ६ मङ्गलटारमा गण राई (माओवादी केन्द्र)

वडा नं. ७ महादेविस्थानमा कमल गिरी (काँग्रेस)

वडा नं. ८ धितुङमा टेकराज राई (काँग्रेस)

वडा नं. ९ सल्लेमा काँसीराज राई (काँग्रेस)

वडा नं. १० अर्खौलेमा अर्जुनकुमार पुरी (एमाले)

वडा नं. ११ राजापानीमा अनिस कार्की (एमाले)