कविता
छन्दः शार्दूलविक्रीडित
वृद्धा वृद्ध जहाँ जहाँ नजर छन् लौरो लिई पुग्दछ
माया देख्नु र टेक्नु साथ मनको भन्दै उहीँ ढोग्दछ ।
काँडा दिन्दिन काँधमा घँगरुका थाक्दैन बोके पनि
बढ्दो वृद्ध उमेर लाग्छ जसको साठी र पाँचै अनि ।
खोक्दैनन् अझ कर्म धर्म छ सदा झन् मै हुँ दानी भनी
भारी बोक्दछ जो र खोप्दछ कला लौरो म बाँडूँ भनी ।।१।।
वृद्धा वृद्ध जहाँ जहाँ नजर छन् लौरो लिई पुग्दछ
माया देख्नु र टेक्नु साथ मनको भन्दै उहीँ ढोग्दछ ।
मेला पर्व पुराण जो तरहका भेला जुटेता पनि
भारी बोक्दछ जो र खोप्दछ कला लौरो म बाँडूँ भनी ।।२।।
कोहीमा न विभेद गर्छ सब हुन् आमा र बाबा भनी
हाँस्छन् वृद्ध त मिल्छ जो मधुरता आयौ सहारा बनी ।
आशीर्वाद दिँदै छुने सुजनले धर्मै कमायौ भनी
भारी बोक्दछ जो र खोप्दछ कला लौरो म बाँडूँ भनी ।।३।।
पायौ दिव्य कला र शील्प श्रमले राख्यौ अनौठो धर
लौरामै छ गुराँस सूर्य र शशी डाँफे अटेको शर ।
सिङ्गै देश छ टेक्छ वृद्ध जनले नेपाल पायौँ भनी
भारी बोक्दछ जो र खोप्दछ कला लौरो म बाँडूँ भनी ।।४।।
हो दिक्तेल धरा सुधा सरसको बस्छन् बसैखा ठुले
आऊ वृद्ध भए कतै त घरमा देऊ लगी पौत्रले ।
लौरो मिल्छ अशुल्क पुन्य कृति यो सेवा सुनौलो अनि
भारी बोक्दछ जो र खोप्दछ कला लौरो म बाँडूँ भनी ।।५।।
✍️प्रकाश आचार्य “भावुक“(प्रभा)
दिक्तेल रु.म.१, खोटाङ
आचार्यनगरी
रमाइलो फूलवारी टोल
माझाघर!
सूचना विभाग दर्ता नं. – १५०३/०७६/०७७
प्रवन्धक/सम्पादक : लोकमणि रिजाल
सह-सम्पादक :अस्मिता खत्री
सह-सम्पादक : तेन्जु योन्जन (मलेसिया)
कानूनी सल्लाहकार : ओम प्रकाश घिमिरे
दिक्तेल, रुपाकोट मझुवागढी-१४ खोटाङ्ग, प्रदेश नं. १
मोबाईल नं ९८४२९०६६४२
Email: [email protected]