श्री गङ्गोदय मा.वि. को ६७ औं वार्षिकोत्सब सम्पन्न

देश पोष्ट /खोटाङ । खोटाङको रावाबेसी गा.पा.- ५ दुबेकोलस्थित  श्री गङ्गोदय मा.वि. को ६७ औं वार्षिकोत्सब सम्पन्न भएको छ ।

वि.व्य.स. अध्यक्ष भिमप्रसाद निरौलाकाे सभापतित्व र रावाबेसी गा.पा. अध्यक्ष फटिक कुमार श्रेष्ठको प्रमुख आतिथ्यमा सम्पन्न भएको हो ।

विद्यालयले मा.वि. स्तरीय निबन्ध प्रतियोगिता, आधारभुत तह कक्षा ६-८हाजिरी जबाफ प्रतियोगिता, आ.वि. कक्षा ४-५ स्तरीय हिसाब दौ र आ.वि. १-३ स्तरीय स्मरण दौड प्रतियोगिता र आमा समुहबिच कुर्सी दौड प्रतियोगिता लगायतको कार्यक्रम आयोजना गरि मनाइएको थियो ।

कार्यक्रमको अबसरमा हरिकाजीतुलसा अक्षयकोष बाट विद्यालयका २०७८ को उत्कृष्ट शिक्षक रुपमा काजिबहादुर श्रेष्ठ नगद रु. २,५००/- सहित पुरस्कृत भएका छन् त्यसैगरी हरिकाजी तुलसा अक्षयकोष बाट २०७८ सालमा कक्षा ९ मा कक्षा प्रथम हुने सन्जोक राई नगद रु.१०,०००/- सहित पुरस्कृत भएको छ र स्व. शोभा रेग्मी अक्षयकोषबाट कक्षा ७ मा प्रथम हुने योगमाया गुरुङ रु.३,०००/- सहित पुरस्कृत भएका छन् ।

कार्यक्रममा रावाबेसी गा. पा. उपाध्यक्ष कौशीला कुमारी गुरुङ पुर्व रावाबेसी गा.पा. अध्यक्ष लिलानाथ निरौला, दुबेकोल वडा अध्यक्ष मनकुमार गुरुङ, कार्यपालिका सदस्य, कालिका आ.वि. चिण्डे भदौरेका प्र.अ. भुपाल भण्डारी, शिक्षक, आमासमूह लगायत स्थानीयको उपस्थिति थियो।