देश पोस्ट देश पोष्ट खोटाङ । भोजपुरमा चट्याङ लागेर एक बालकको मृत्यु भएको छ।
बिहीबार अपरान्ह ४ बजेको समयमा सामान्य हावाहुरी र बर्षातसँगै परेको चट्याङ्ले लागेर षडानन्द नगरपालिकाका १२ तिप्लेका नारायण भुजेलका १३ वर्षीय छोरा सरोज भुजेलको मृत्यु भएको हो ।
चट्याङ्ले गम्भीर घाईते भएका सरोज र स्थानीय २५ बर्षिय प्रदिप भुजेललाई उपचारकालागि संखुवासभाको तुम्लींगटार स्थित मनकामना हस्पिटल लगिएको थियो । हस्पिटल पुर्याउदा अस्पतालले सरोजलाई मृत घोषणा गरेको जिल्ला प्रहरी कार्यालय भोजपुरले जनाएको छ ।
घाईते प्रदिपको अवस्था भने सामान्य रहेको जनाइएको छ ।
