खोटाङमा सुतेकै ठाउँमा एक व्यक्ति मृत फेला

देश पोष्ट /खोटाङ । खोटाङमा सुतेकै ठाउँमा एक व्यक्ति मृत फेला परेका छन् ।

दिक्तेल रुपाकोट मझुवागढी नगरपालिका-२ मुढेस्थित नेपाली सेनाको भवन निर्माणका लागि आएका सिराहा लौकिया महियानी गाउँपालिका ४० वर्षीय कासिन्दर सदा सुतेकै ठाउँमा मृत भेटिएका छन् ।

दुई तीन दिनदेखि बिरामी परेको, बिहिबार काममा आउन नसकेको सदा शुक्रबार बिहान सुतेकै ठाउँमा मृत फेला परेको हुन् ।
लेवरको काम गर्न आएका सदा मुढेका राजकमार तामाङको घरमा बस्दै आएका थिए ।

घटना बारे थप अनुसन्धान भईरहेको जिल्ला प्रहरी कार्यालय खोटाङले जनाएको छ ।