रौतहटमा आगलागीमा परेर एक बालिकाको मृत्यु

देश पोष्ट/ खोटाङ । रौतहटको ईशनाथ नगरपालिका–६ जयनगरमा आगलागी हुँदा जलेर एक बालिकाको मृत्यु भएको छ । अर्की एक बालिका घाइते भएकी छन् ।

गएराति १० बजेतिर मोजिबुल रहमानको घरमा लागेको तआगोमाउहाँकी १२ वर्षीया छोरी राजिया खातुन सुतेको अवस्थामा आगोमा जलेको जिल्ला प्रहरी कार्यालय रौतहटले जनाएको छ ।

उनकी बहिनी १० वर्षीया सजिया खातुन घाइते भएकी छन् । उनको प्रादेशिक अस्पताल गौरमा उपचार भैरहेको छ ।

आगोले मोजिबुलको घरसहित १६ लाख रुपैयाँ र शेख ईशराजको घरसहित दुई लाख रुपैयाँ गरी १८ लाख रुपैयाँ बराबरको क्षति भएको जिल्ला प्रहरी कार्यालय रौतहटले जनाएको छ ।

भुस र दाउराबाट आगो सल्किएको हुनसक्ने प्रारम्भिक अनुमान छ ।