पुर्बको साक्षत हलेसी महादेवको दर्शन गरि तपाइको राशिफल हेर्नुहोस् ।

देश पोष्ट /काठमाण्डौं । आज मिति २०७९ चैत १६ गते, बिहीवार, ३० मार्च २०२३ रामनवमी पुर्बको साक्षत हलेसी महादेवको दर्शन गरि तपाइको राशिफल हेर्नुहोस् ।

मेष
चु, चे, चो, ला, लि, लु, ले, लो, अ
तारिफयोग्य काम गर्दै मनग्य धन आर्जन गर्न सकिनेछ । थोरै लगानीबाट पनि नाफा कमाउन सकिनेछ । साँझदेखि पारिवारिक असमझदारीले काम रोकिन सक्छ । बिनाकारण आफन्त टाढिन सक्छन् । अरूका लागि श्रम तथा बुद्धि खर्चनुपर्ला । साथीभाइसँग पनि सन्तुलित व्यवहार गर्नुहोला ।

वृष
इ, उ, ए, ओ, बा, बि, बु, बे, बो
तारिफयोग्य काम सम्पादन हुनाले प्रशंसकहरू बढ्नेछन् । ज्ञान, कला र व्यक्तित्व निखार्ने समय छ । बौद्धिक अभिव्यक्तिले ठूलो अवसर दिलाउन सक्छ । आम्दानीका स्रोत बढ्नुका साथै दिगो फाइदा हुने काममा सम्झौता गर्ने समय छ । रोकिएका काम प्रारम्भ गर्न सकिनेछ । साँझतिर उद्योग र व्यापारमा फाइदा हुनेछ ।

मिथुन
का, कि, कु, घ, ङ, छ, के, को, ह
विभिन्न अवसरले पछ्याउनेछन् । महत्त्वाकांक्षी योजना पनि बिस्तारै फलदायी हुनेछन् । रमाइलो भेटघाट र खानपानको आनन्द प्राप्त हुनेछ । साँझतिर बौद्धिक कलाको प्रभाव बढ्नेछ । अध्ययनमा प्रगति हुनेछ । पहिलेको दुविधाले निर्णायक मोड लिनेछ ।

कर्कट
हि, हु, हे, हो, डा, डि, डु, डे, डो
खर्च बढ्नाले अर्थ अभाव झेल्नुपर्ला । अरूको विश्वास गर्दा धोका पाइनेछ । अवसरका लागि केही दौडधुप गर्नुपर्ला । खर्चिलो कामले कर्जा बढाउला । साँझदेखि पारिवारिक जमघटको आनन्द प्राप्त हुनेछ । स्वास्थ्यका लागि खानपानको अनुशासनमा रहनुपर्नेछ । कामको नेतृत्व लिनुका साथै मनग्य लाभांश हातपार्ने समय छ ।

सिंह
मा, मि, मु, मे, मो, टा, टि, टु, टे
श्रमको उचित मूल्य प्राप्त हुनेछ । व्यापारमा पनि केही फाइदा हुनेछ । आम्दानीमा अरूले आँखा लगाउन सक्छन् । आफ्ना आवश्यकता पूरा गर्न र व्यवहार चलाउन सरसापट लिनुपर्ने पनि हुन सक्छ । साँझदेखि खर्च बढ्नाले अर्थ अभाव देखा पर्ला । परिस्थितिवश फजुल खर्च बढ्नेछ ।

कन्या
टो, प, पि, पु, ष, ण, ठ, पे, पो
प्रतिष्ठित काम गर्ने अवसर प्राप्त हुनेछ । काममा विशिष्ट व्यक्तिको सहयोग जुट्नेछ । राम्रो कर्मफल प्राप्त हुनाले मन प्रसन्न रहनेछ । सामाजिक नेतृत्व हातलागी हुने सम्भावना छ । व्यापारमा पनि राम्रै फाइदा हुनेछ । लगनशीलताले कीर्तिमानी दिलाउन सक्छ । साँझतिर आम्दानी राम्रै भए पनि रकम बाहिरिने सम्भावना छ ।

तुला
र, रि, रु, रे, रो, ता, ति, तु, ते
तारिफयोग्य काम गर्दै धेरैको उपकार गर्न सकिनेछ । समाजमा तारिफयोग्य काम गर्दै लोकप्रियता हासिल गर्न सकिनेछ । विभिन्न अवसरले पछ्याउनेछन् भने दिगो फाइदा हुने काममा जग बसाउने मौका छ । साँझदेखि आफ्नो क्षेत्रमा नेतृत्व लिन सकिनेछ । नयाँ जिम्मेवारी प्राप्त हुनेछ ।

वृश्चिक
तो, ना, नि, नु, ने, नो, या, यि, यु
अरूका लागि समय खर्चनुपर्ला । नयाँ काममा हात हाल्न केही समय प्रतीक्षा गर्नुपर्नेछ । परिस्थितिले चुनौती निम्त्याए पनि गोपनीयतामा ध्यान पुर्याउनुहोला । दिनभरि संघर्ष गर्नुपरे पनि साँझतिर सहयोगीहरूले साथ दिनेछन् र भाग्यले अवसर जुराउनेछ । काम देखाएर पनि अरूको मन लोभ्याउन सकिनेछ ।

धनु
ये, यो, भ, भि, भु, ध, फा, ढ, भे
नयाँ परिवेशमा पुगिए पनि नयाँ साथीभाइ भेटिनेछन् । कामको सन्दर्भमा रमाइलो यात्राको अवसर प्राप्त हुनेछ । अतिथिको रूपमा सत्कार प्राप्त हुने समय छ । साँझतिर आकस्मिक वादविवादले परिस्थिति बिग्रन सक्छ । सानोतिनो समस्याले अल्झाउनेछ भने स्वास्थ्य पनि प्रतिकूल रहनेछ ।

मकर
भो, ज, जि, खि, खु, खे, खो, गा, गि
स्रोतसाधन जुट्नाले लक्ष्य प्राप्ति हुनेछ । प्रतिस्पर्धीहरूले हार खानेछन् भने ईर्ष्या गर्नेहरू पछि पर्नेछन् । आजको कामले पछि फाइदा हुनेछ । व्यावसायिक काममा चुनौती देखिए पनि साँझतिर घरमा लक्ष्मी अर्थात् द्रव्य भित्र्याउन सकिनेछ । व्यापारको बहानामा रमाइलो यात्रा हुनेछ ।

कुम्भ
गु, गे, गो, सा, सि, सु, से, सो, द
पहिलेको सफलताले हौसला प्रदान गर्नेछ । भविष्यका लागि विशेष काममा जग बसाउने मौका छ । अध्ययनमा राम्रो प्रगति गर्ने समय छ । विभिन्न अवसरले पछ्याउनेछन् र दिगो काममा जग बसाउने अवसर प्राप्त हुनेछ । साँझतिर प्रतिस्पर्धीलाई पछि पार्दै लाभ उठाउन सकिनेछ ।

मीन
दि, दु, थ, झ, ञ, दे, दो, च, चि
प्रक्रिया नमिल्नाले काम दोहोर्याउनुपर्ने हुन सक्छ । स्वयं निर्णय लिन नमिले पनि शुभचिन्तकहरूको साथ–सहयोग प्राप्त हुनेछ । पछिका लागि कामको जग बसाउन सकिनेछ । साँझदेखि दिगो योजनाका साथ अघि बढ्दा लाभ मिल्नेछ । स्वास्थ्यका लागि अनुशासनमा रहनुपर्ने समय छ । काममा मुख्य भूमिका रहे पनि लाभांशमा अरूको आँखा लाग्न सक्छ ।