आज: | Sat, 09, Dec, 2023
देश पोस्ट देश पोष्ट /काठमाण्डौं । चर्चित हास्य कलाकार गणेश इशाराको अल नेपाल कमेडी शो भोली बैशाख १६ गते राष्ट्रिय नाँचघर जमलमा हुने भएको छ ।
समाजसेवी बीरमाया राई (सोभोमा) स्मृती फाउण्डेशन निर्माण सहयोगार्थ देशैभर गणेश ईसारा एकल कमेडी शो हुँदै आएकोमा देशका ख्यातीप्राप्त कलाकारहरु सहित भोलि राष्ट्रिय नाँचघर जमलमा दिनको १ बजे बाट कमेडी शो सञ्चालन हुने संयोजक देवान चाम्लिङले जानकारी दिनुभयो ।
‘जो धेरै हाँस्छ उ धेरै बाँच्छ’ भन्ने मुल नाराका साथ हास्य कलाकार गणेश ईशारा राईको एकल ‘अल नेपाल कमेडी सो’ कार्यक्रम हुदै आएको छ ।
हास्य कलाकार ईशाराले विगत २०५४ सालदेखि मुटु रोगी, मृगौला रोगी, बृद्ध आश्रामदेखि विभिन्न पिडितहरुलाई उपचार र सहयोग गर्न सफल एक समाजसेवी तथा कलाकार हुन् ।
कलाकार ईशाराले आफ्नै हजुर आमाको नाममा ‘बिरमाया राई ‘सोभोमा’ स्मृतिकोष स्थापना गरि आउँदा दिनहरुमा बिभिन्न समस्यमा परि भैपरि आउने दुखी, पिडितहरुलाई सहायता दिन सकुँ भन्ने उद्धश्यले स्मृतिकोष निर्माण गरेको कलाकार ईशाराको भनाई रहेको छ ।
कलाकार इशाराको गाईजात्रा कोसेली ‘सदन हल र भट्टी पसल उस्तै’, ‘साधेतन्त्र’ र ‘भद्रगोल डटकम’ रहेको छ । त्यस्तैगरि दर्जनौ म्युजिक भिडियोको निर्देशन र थुप्रै इभेन्ट अर्गनाइज समेत गरेका छन् ।
कलाकार इशाराले कलाको माध्यामबाट कार्यक्रम गरी थुप्रै मुटु र किड्नी रोगीहरुको उपचार खर्च जुटाईदिएर सहयोग गर्दै आएको आयोजकको भनाई रहेको छ ।
सूचना विभाग दर्ता नं. – १५०३/०७६/०७७
प्रवन्धक/सम्पादक : लोकमणि रिजाल
सह-सम्पादक :अस्मिता खत्री
सह-सम्पादक : तेन्जु योन्जन (मलेसिया)
कानूनी सल्लाहकार : ओम प्रकाश घिमिरे
दिक्तेल, रुपाकोट मझुवागढी-१४ खोटाङ्ग, प्रदेश नं. १
मोबाईल नं ९८४२९०६६४२
Email: [email protected]
