दाङमा बस दुर्घटना हुँदा एक जनाको मृत्यु, २३ जना घाइते

देश पोष्ट /खोटाङ । दाङको देउखुरीमा आज बिहान दुईवटा बस ठोक्किँदा एक जनाको ज्यान  गएको छ । २३ जना घाइते भएका छन् ।

दाङकाे लमहीबाट भालुवाङका लागि छुटेकाे लु २ ख ७८५ नम्बरको बस र वीरगञ्जबाट तुलसीपुरका लागि छुटेकाे ना ५ ख ४८९८ नम्बरको बस लमही नगरपालिका–३ फल्कापुरमा ठाेक्किएका हुन् ।

दुर्घटनामा रोल्पा रुन्टीगढी–९ की २४ वर्षीया शोभा परियारकाे ज्यान गएकाे छ । यस्तै, उहाँका दुई छोरासहित २३ जना घाइते भएको जिल्ला प्रहरी कार्यालय दाङले जनाएको छ ।

घाइतेहरुलाई उद्धार गरी उपचारका लागि लमही लगिएको प्रहरीले जनाएको छ ।