संखुवासभामा ट्याक्टरको ठक्करबाट पैदलयात्रीको मृत्यु

देश पोष्ट /खोटाङ । संखुवासभाको खाँदबारी नगरपालिका–८, विष्णुधारामा आज बिहान ट्याक्टरको ठक्करबाट पैदलयात्रीको मृत्यु भएको छ ।

मृत्यु हुनेमा खाँदबारी नगरपालिका–१, ढोलबाजेका अन्दाजी ६३ वर्षीय यज्ञबहादुर तामाङ रहेको प्रहरीले जनाएको छ ।

ट्याक्टरको ठक्करबाट घाइते भएका तामाङको जिल्ला अस्पताल खाँदबारीमा उपचारको क्रममा मृत्यु भएको हो।

आज बिहान ९ बजे को २ त ३२१६ नम्बरको ट्याक्टर ग्यारेजबाट ब्याक गरी सडकमा निकाल्ने क्रममा पैदलयात्रीलाई ठक्कर दिएको थियो ।
ट्याक्टर चालक फरार भएकाले खोजी भइरहेको प्रहरीले जनाएको छ ।