रौतहटमा छुरा प्रहार गरी एकजनाको हत्या

देश पोष्ट /खोटाङ । रौतहटमा छुरा प्रहार गरी एकजनाको हत्या भएको छ । गौर नगरपालिका–७ सिसवा गाउँमा गएराति छुरा प्रहार गरी ५० वर्षीय यार महमद खानको हत्या गरिएको हो ।

जिल्ला प्रहरी कार्यालयका  अनुसार छिमेकी शेख साविरसित खानको झगडा भएको र सो क्रममा साविरले खानको छातीमा छुरा प्रहार गरेका थिए । घाइते भएका खानलाई राति नै उपचारका लागि प्रादेशिक अस्पताल गौर लगिएको थियो । उनलाई चिकित्सकले मृत घोषणा गरेका थिए  ।

छुरा प्रहारी गरी साविर भने फरार भएका छन् । उनको खोजी गरिरहेको प्रहरीले जनाएको छ ।