फरार बलात्कार आरोपी पक्राउ

देश पोष्ट /खोटाङ । खोटाङमा एक फरार बलात्कार आरोपीलाई प्रहरीले पक्राउ गरेको छ ।

दिक्तेल रुपाकोट मझुवागढी नगरपालिका–९ निर्मलीडाँडाकी २० वर्षीया युवतीलाई गोठाला जाँदा जबर्जस्ती बलात्कार गरी फरार रहेका सोही ठाउँका २९ वर्षीय प्रतापजंग राईलाई प्रहरीले पक्राउ गरेको हो ।

१८ बैशाखको बिहान अन्दाजी ११ बजे बाख्रा चराउन गएकी युवतीलाई अन्दाजी अपरान्ह १ वजे निर्मलीडाँडाको जोरअंगेरी जंगलमा पात्ले झार्न जाने बहानामा ओडारमा लगेर जबर्जस्ती बलात्कार गरेर फरार थिए ।

प्रहरीले राईलाई लुकीछिपी रहेको अवस्थामा केपिलासगढी गाउँपालिका–१ फेदीबाट बिहीबार पक्राउ गरेको हो ।

पक्राउ परेका अभियुक्त विरुद्ध जिल्ला अदालतबाट शुक्रबार सात दिनको म्याद थप अनुमति लिई हिरासतमा राखेर अनुसन्धान थालिएको जिल्ला प्रहरी कार्यालय खोटाङका प्रहरी नायव उपरिक्षक मञ्जिल मुकारुङले बताउनुभयो ।
।

जबर्जस्तीपछि मार्ने नियतले घाँटी थिची ज्यान मार्ने प्रयत्न समेत गरी मरानासन्न अवस्थामा पुर्‍याएको थियोे । उपचारपछि युवती डिस्चार्ज भईसकेको आफन्तले बताएको छ ।