यात्री मोटरसाइकलको च्यासिस पुनरावृत्ति परीक्षण गर्दाको तस्बिर अहिले भाइरल गराइयो ।

देश पोष्ट /काठमाण्डौं । सामाजिक सञ्जालमा यात्री मोटरसाइकलको च्यासिस भाँचिएको भनेर भाइरल गराइएको फोटो च्यासिस पुनरावृत्ति परीक्षण गर्दाको तस्बिर रहेको कम्पनीले दाबी गरेको छ ।

उक्त भाइरल फाृटोको बारेमा सामाजिक सञ्जालमा भने मोटरसाइकल गुड्दागुड्दै च्यासिस भाँचिएको भनिएको छ ।

कम्पनीले सोमबार दिउँसो एक फेसबुक पोष्टमार्फत सूचना जारी गर्दै भनेको छ, ’परिवेश नै नबुझी सामाजिक सञ्जालमा च्यासिस भाँचिएको फोटो भाइरल हुँदैछ । हामी उत्पादन अघि हरेक नयाँ भाग र प्रणालीहरूको परीक्षण गर्छौं। आन्तरिकतर्फ च्यासिस पुनरावृत्ति परीक्षण गरिरहँदाको तस्बिर अहिले भाइरल भएको हो।’

कम्पनीका प्राविधिक निर्देशक ठाकुर पौडेलले हाल भाइरल भइरहेको फोटो ’परीक्षण बाइक’ को रहेको बताउँदै आफ्नो उत्पादनहरूमा कुनै समस्या नभएको बताएकाछन् ।

उक्त फोटोमा कतिपयले यात्री मोटरसाइकलको गुणस्तरमा प्रश्न उठाइरहेका छन् । यसमा कम्पनीका प्राविधिक निर्देशक पौडेलका अनुुसार कम्पनीद्वारा उत्पादित मोटरसाइकलमा ढुक्क हुनुपर्ने र कम्पनीको बदनाम गराउन लाई यस्तो हर्कत गरिएको प्रती दुःख ब्यक्त गरिएको छ । उत्पादित र बिक्री भएका बाइकहरूमा कुनै त्रुटि नभएको उनको भनाइ रहेको छ ।

फेसबुकमा लेखिएकाे छ, परिस्थितिको सन्दर्भ बिना नै हाम्रो बाईकको चेसिसका केही तस्बिरहरू इन्टरनेटमा प्रसार भइरहेका छन् ।

यो परीक्षण को लागि प्रयोग भएको मोटर साईकल हो ग्राहाक ले किनेको वा ग्राहक लाई बिक्रि गरिएको मोटर साईकल होइन।

बाइकमा भविष्यमा गर्न सकिने पुनरावृत्ति र नयाँ डिजाइनकोलागि, हामी यात्रीमा लगातार नयाँ पाटपूर्जा र प्रणालीहरूको परीक्षण गरीरहन्छौं । आन्तरिक परीक्षण को क्रममा, हाम्रो परीक्षण इन्जिनियरले आवश्यक डाटा संकलन गर्ने तथा प्रमाणीकरण गर्ने उद्देश्यले नयाँ चेसिस पुनरावृत्ति परीक्षण गरिरहेका थिए जुन त्यति राम्रोसँग सफल हुन सकेन।

यस्तो भ्रमपूर्ण समाचारले गर्दा यहां हरुमा पर्न गएको असुविधा प्रति हामी क्षमाप्रार्थी छौं । हामी हाम्रा उपभोक्ता र यात्रीको सुरक्षाप्रति सचेत र सतर्क छौं ।

त्यसैले भ्रममा नपर्न हामी सबैलाई अनुरोध गर्छौं र सहि समाचार सम्प्रेषणका लागि आवश्यक स्रोताहरु माझ हाम्रो औपचारीक विज्ञप्ति शेयर गरीदिनु हुन समेत अनुरोध गर्दछौं ।