बाम्राङ सिरिसेमा  ७३ वर्षीय  राई मृत फेला

देश पोष्ट/ खोटाङ । खोटाङको दिक्तेल रुपाकोट मझुवागढी नगरपालिका–३ बाम्राङ सिरिसेका ७३ वर्षीय शम्शेर राई आइतबार बिहान मृत फेला परेका छन् ।

घाँस काट्न रुखमा चढ्दा लडेर मृत्यु भएको हुन सक्ने अनुमान गरिएको छ ।
घरमा एक्लै बस्दै आएका राईको शनिबार बेलुकी नै मृत्यु भएको हुन सक्ने वडा अध्यक्ष महेन्द्र राईले बताउनुभयो ।

वृद्ध मृत फेला परेपछि बिहान ८ बजेतिर खबर आएको र घटनास्थलमा पुगी घटनाको  थप अनुसन्धान भइरहेको जिल्ला प्रहरी कार्यालय खोटाङले जनाएको छ ।