सोलुखुम्बुमा एक सुत्केरीको मृत्यु

देश पोष्ट /खोटाङ । सोलुखुम्बुको जिल्ला अस्पताल फाप्लुमा एक सुत्केरीको मृत्यु भएको छ ।

माप्यदुधकोशी गाउँपालिका ३ खास्तापकी सुत्केरी  ३१ वर्षीया रुष्मा राईको मृत्यु भएको  जिल्ला अस्पताल फाप्लुले जनाएको छ ।

बुधबार बेलुका ६ बजेर ४५ मिनेटमा सफल अप्रेसन मार्फत छोरीलाई जन्म दिएकी राईको राती करिब २ बजे मृत्यु भएको हो ।

अप्रेसनमा सङ्लग्न चिकित्सक डा.सुरेन्द्र शाक्यका अनुसार सुत्केरी राईमा एम्नोटिक फ्लुइड इम्बोग्लिजमका कारण फोक्सोमा समस्या आएर मृत्यु भएको बताएका छन् ।

आमाको पेट भित्रै दिशा सेवन गरेका कारण आकस्मिक अप्रेसन मार्फत निकालिएको शिशुको पनि छातीमा समस्या देखिएको डा. शाक्यले बताउनुभयो ।

जिल्ला अस्पताल फाप्लुमा अप्रेसनपछि सुत्केरीको मृत्यु  भएको यो पहिलो घटना भएको अस्पताल प्रशासनले जनाएको छ ।