पुर्बको प्रख्यात हलेसी महादेवको दर्शन गरी तपाइको राशिफल हेर्नुहोस् ।

देश पोष्ट/ काठमाण्डौं । आज मिति २०८० भदौ १८ गते, सोमवार, ४ सेप्टेम्बर २०२३ पुर्बको प्रख्यात हलेसी महादेवको दर्शन गरी तपाइको राशिफल हेर्नुहोस् ।

मेष
चु, चे, चो, ला, लि, लु, ले, लो, अ
रमाइलो जमघटका बीच स्वादिष्ट भोजनको आनन्द लिने अवसर जुट्नेछ । मनपर्ने वस्तु, उपहार प्राप्त हुनेछ । नयाँ कामको प्रस्ताव आउनेछ भने साथ दिनेहरू बढ्नेछन् । रचनात्मक कामले मनग्य धन आर्जन हुनेछ । पहिलेको सफलताले थप हौसला जगाउनेछ ।

वृष
इ, उ, ए, ओ, बा, बि, बु, बे, बो
आकस्मिक खर्च बढ्नाले अर्थ अभाव देखापर्न सक्छ । अरूको करकापमा परेर इच्छाविपरीत काम गर्नुपर्ला । पछिका लागि केही वस्तु त्याग्नुपर्ने हुन सक्छ । उधारोमा व्यापार गर्नुपर्ला। समय दिन नसक्दा अध्ययनमा पछि परिनेछ । आफन्तबाट टाढिनुपर्ने परिस्थिति आउन सक्छ ।

मिथुन
का, कि, कु, घ, ङ, छ, के, को, ह
सानो कामले पनि राम्रो आम्दानी दिलाउनेछ । श्रमको उचित मूल्य पाइनेछ । व्यापारमा राम्रै फड्को मार्ने समय छ । छोटो समयमै कामको जग बसाउन सकिनेछ । रोकिएको काम बन्नेछ र जिम्मेवारी समेत बढ्नेछ । उद्योग र व्यापारमा फाइदा उठाउन सकिनेछ ।

कर्कट
हि, हु, हे, हो, डा, डि, डु, डे, डो
समाजमा तारिफयोग्य काम गर्दै नाम र दाम कमाउने समय छ । सामाजिक कार्यले हौसला प्रदान गर्नेछ । भूमि, वाहन र कर्मयोगबाट लाभ मिल्नेछ । विशिष्ट व्यक्तिको सहयोगले महत्त्वाकांक्षी काम बन्न सक्छ । उपलब्धि हातपार्दै जीवनशैलीमा परिवर्तन ल्याउन सकिनेछ ।

सिंह
मा, मि, मु, मे, मो, टा, टि, टु, टे
सामाजिक काम गर्ने अवसर प्राप्त हुनेछ । दिगो काममा जग बसाउन सकिनेछ । जीवनशैलीमा परिवर्तन आउनेछ । नतिजाले उत्साह जगाउनेछ । दाम, इनाम र प्रतिष्ठा हातपार्न सफल भइनेछ । विभिन्न अवसरले पछ्याउनेछन् । दिगो काममा जग बसाउने समय छ ।

कन्या
टो, प, पि, पु, ष, ण, ठ, पे, पो
नतिजा कमजोर देखिनाले काम दोहोर्याउनुपर्ने हुनसक्छ । शारीरिक कमजोरीले चिन्ता बढाउनेछ । परिस्थितिवश चिताएको काम रोकिन सक्छ । अरूका लागि बुद्धि खर्चनुपर्ला । आफ्ना विषयमा पनि अरूले दाबी गर्न सक्छन् । लगनशीलताले मात्र संकल्प पूरा गर्न सकिनेछ ।

तुला
र, रि, रु, रे, रो, ता, ति, तु, ते
घुमफिर तथा मनोरञ्जनको समय छ । अतिथिका रूपमा सत्कार पाइनेछ । आम्दानी बढाउने काम गर्न सकिनेछ । साथीभाइबाट सहयोग मिल्नेछ। टाढिएका साथीभाइ नजिकिनेछन् । व्यवसायको सन्दर्भमा यात्रा हुन सक्छ । भौतिक साधनले जीवनशैलीमा परिवर्तन ल्याउन सक्छ ।

वृश्चिक
तो, ना, नि, नु, ने, नो, या, यि, यु
प्रतिस्पर्धामा विजय प्राप्त हुनेछ भने द्वेष तथा ईर्ष्या गर्नेहरूले हार खानेछन् । पराक्रमद्वारा अधिकार स्थापित गर्न सकिनेछ । चुनौती चिर्दै काम बनाउन सकिनेछ । स्वास्थ्य सबल रहनेछ भने शत्रुहरू परास्त हुनेछन् । व्यापारलगायत आर्थिक लाभ हुने काम प्रारम्भ हुनेछ । कामले महत्त्वाकांक्षा बढाउन सक्छ ।

धनु
ये, यो, भ, भि, भु, ध, फा, ढ, भे
अवसरका लागि परिस्थितिसँग सम्झौता गर्नुपरे पनि फाइदै हुनेछ । व्यवसायतर्फ विशेष अवसर प्राप्त हुन सक्छ । लगनशीलताले परिस्थितिलाई बदल्नेछ । श्रम परे पनि पछि लाभ हुने काम प्रारम्भ हुनेछ । फाइदाको स्रोत पहिल्याउन सकिनेछ । अध्ययनमा राम्रो उपलब्धि प्राप्त हुनेछ ।

मकर
भो, ज, जि, खि, खु, खे, खो, गा, गि
कामको अवसर प्राप्त भए पनि तत्काल प्रतिफल हातलागी नहुन सक्छ । पहिलेका सम्झौता तोड्नुपर्ने परिस्थिति आउन सक्छ । साथीभाइसँग पनि असमझदारी बढ्ने देखिन्छ । काममा अरूको भर नपर्नुहोला । रोकिएका काम दोहोर्याउनुपर्ला । आफ्नो प्रतिफलबाट अरूले फाइदा उठाउन सक्छन् ।

कुम्भ
गु, गे, गो, सा, सि, सु, से, सो, द
प्रतिस्पर्धीहरूले हार खानेछन् । राम्रै अवसर जुट्नेछ । साथीभाइले पनि राम्रै सहयोग जुटाउनेछन् । पछिसम्म लाभ हुने काम प्रारम्भ हुनेछ । भौतिक साधन जुट्नाले दिगो योजना प्रारम्भ होला । व्यापारमा मनग्य धनलाभ हुनेछ । सेवामूलक कामबाट प्रतिष्ठा पाइनेछ ।

मीन
दि, दु, थ, झ, ञ, दे, दो, च, चि
अरूको मुख ताक्ने बानीले काम अधुरो रहनेछ । हातमा आएको रकम तत्काल खर्चनुपर्नेछ । अरूलाई दिएको वचन पुर्याउन नसक्ता आलोचित बन्नुपर्ला । परिस्थिति सबल नदेखिए पनि आशा जगाउनेछ । बुद्धिको उपयोगले केही काम बनाउन सकिनेछ । शुभचिन्तकहरूको साथ–सहयोगले काम बन्नेछ ।