जिल्ला अस्पतालको विषयलाई लिएर चौतर्फी आलोचना भए पछि”नागरिक संवाद”  आयोजना,१३ बुदे साझा समझदारी

देश पोष्ट /खोटाङ । खोटाङको जिल्ला अस्पतालको विषयलाई लिएर चौतर्फी आलोचना भए पछि सोमबार जिल्ला समन्वय समितिको आयोजना र बालसेवा समाज नेर्पाको सहआयोजनामा समन्वय समितिको सभा हलमा जिल्ला अस्पतालको जनसरोकारको विषयमा  “नागरिक संवाद” कार्यक्रम आयोजना गरिएको छ ।

“नागरिक संवाद” कार्यक्रममा उपस्थिति नागरिकहरुले अस्पतालको सेवा,सुबिधा, कामकाज माथी प्रश्न चिन्ह उठाएका छन् ।

नागरिकहरुले अस्पतालको सरसफाइ नभएको, शौचालय दुर्गन्धित भएको, निशुल्क औषधि बाड्ने मान्छे नभेटिएको र निशुल्क रुपमा प्राप्त हुने औषधि उपलब्ध नभएको , औजार,उपकरण र मेशिन गुणस्तरीय नभएको ,स्वास्थ्य बिमामा ११३३ प्रकारका औषधि परेनी बिमा बमोजिमको औषधि नपाइएको, निशुल्क गर्भवती जाँच कार्यक्रममा अनियमितताको विषयमा छानविन नभएको र अस्पतालले दिन सक्ने सेवाको वडापत्र राखिनु पर्ने जस्ता प्रश्न खडा  गरेका छन् ।

अस्पतालमा कुनै किसिमको राजनीति नहुने र यदि राजनीतिक भएको हो भने जुनसुकै कार्बाही गर्न पछि नहट्ने, बिरामी तथा अस्पतालका कर्मचारी ,नर्सहरुलाइ काउन्सिलिङ गर्ने दक्षजनशक्ति राख्न र  सबै पार्टीको तर्फबाट गर्न सक्ने सक्दो सहयोगमा पछि नहट्ने राजनीतिक दलका नेताहरुले बताएका छन् ।

त्यस्तै, मानव अधिकार आयोग कोशी प्रदेश शाखा कार्यालय खोटाङकि प्रमुख उपसचिव गिता दाहालले अस्पतालको विषयमा जिल्ला समन्वय समिति, कोशी प्रदेश स्वास्थ्य मन्त्रालयमा समेत पत्राचार गरिएको बताउदै समस्यालाई चाडो सुल्झाउनु पर्ने बताइन् ।

यता, जिल्ला समन्वय समितिका प्रमुख साथै अस्पताल संचालन तथा  व्यवस्थापन समिति समितिका अध्यक्ष सन बहादुर राईले भौतिक संरचना अभाव र जनशक्तिको अभाबले भने जस्तो सेवा नागरिकलाई दिन नसकेको कुरा स्वीकार गरेका छन् ।  भौतिक संरचना द्रुत गतिमा निर्माण भैरहेको र दक्षजनशक्ति समेत ल्याइने अध्यक्ष राईको भनाइ रहेको छ ।
त्यस्तै ,नागरिक सम्वादमा उठेका प्रश्नको जवाफ दिदै बिरामि रिफरलाई डाक्टरले दुख दियो भनेर बुझिदिनुभएन, सुरक्षित उपचारमा पठाइएको बुझ्दिन एमडिजिपी डाक्टर चतुरानन्द यादवले आग्रह गरेका छन् ।

“नागरिक संवाद”  मा १३ बुदे साझा समझदारी भएका छन् :

१,जिल्ला अस्पताल खोटाङमा १ महिना भित्र MBBS स्थायी रुपमा डाक्टर व्यवस्थापन गर्न राजनीतिक दल, जिल्ला प्रसाशन, नगरपालिका तथा अस्पताल व्यवस्थापन समितिले नेतृत्वदायि र उपलब्धीमूलक भूमिका निर्वाह गर्ने ।
२,अस्पताल परिसर तथा इमर्जेन्सी आसपासमा आपतकालिन सौचालय निर्माण गर्ने र हालका सौचालय, भवनहरु सरसफाई गर्ने, गराउने ।
३,विरामी काउन्सेलिङका लागि काउन्सिलरको व्यवस्था गर्ने ।
४,अस्पताल व्यवस्थापन समितिको बैठक बसी आवश्यकीय मेसिन औजार उपकारणको लिष्ट तयार गरी सामान्य उपचारका लागि पनि अभाव भएका त्यस्ता औजार उपकारणको मर्मत, व्यवस्थापन तथा प्रबन्ध गर्ने ।
५,जेष्ठ नागरिक तथा अपांगा भएका व्यक्ति असक्त महिला र असहायहरुलाई उपचारमा प्राथमिकता दिने तथा बस्ने स्थानको उचित प्रबन्ध गर्ने ।
६,निशूल्क तथा बीमा बमोजिमको औषधीको प्रबन्ध गर्ने । व्यवस्थापन समिति तथा सरोकारवालाहरुले सशक्त भुमिका खेल्ले ।
७,नागरिक बडापत्र र निशूल्क औषधीको लिष्ट टिकेट काउन्टर नजिक बुझिने भाषमा देखिने गरी राख्ने ।
८,विगतको अस्पतालमा भएको भ्रष्टाचार सम्बन्धी सवालहरुलाई निष्कर्षमा पुर्‍याउने ।
९,बिमाको प्रभावकारी कार्यान्वयनका लागि अस्पताल प्रशासन र अस्पताल विकास समितिले विशेष ध्यान दिने ।
१०,राष्ट्रिय मानव अधिकार आयोगले अनुगमनको क्रमममा औंलाएका सुझावहरुलाई कार्यान्वयन गर्ने ।
११, स्तनपान तथा सहायता कक्षको प्रबन्ध गर्ने ।
१२,दिर्घकालिन रुपमा सम्बोधन गर्नुपर्ने अन्य विषयमा पुनः सरोकारवालाहरुबीचमा बसेर योजना निर्माण गरी कार्यान्वयनमा जाने ।
१३,निर्माणधिन पूर्बधार संरचना अझ बढी अपांग र सेवाग्राही मैत्री बनाउने र निर्माण कार्य चाडो सम्पन्न गर्न ताकेता गर्ने ।