भैँसीसँग मोटरसाइकल ठोक्किँदा एक जनाको मृत्यु

देश पोष्ट खोटाङ । झापामा भैँसीसँग मोटरसाइकल ठोक्किँदा एक जनाको मृत्यु भएको छ  भने एकजना घाइते भएका छन् ।

झापाको कमल गाउँपालिका–३ सहिदगेट नजिक को२१प ७७ नम्बरको मोटरसाइकल बुधबार भैँसीसँग ठोक्किएर दुर्घटना भएको हो।

दुर्घटनामा परी मोटरसाइकल चालक मोरङको सुन्दरहरैचा नगरपालिका–४ का ३१ वर्षीय मदनबहादुर लायो मगरको मृत्यु भएको प्रहरीले जनाएको छ ।

तीव्रगतिको मोटरसाइकल अनियन्त्रित हुँदा भैँसीसँग ठोक्किन पुगेको थियो

दुर्घटनामा परी मोटरसाइकलमा सवार घाइते भएका सुनसरीको इटहरी–४ का ३० वर्षीय अभिषेक चौधरीको बिर्तामोडस्थित बी एण्ड सी अस्पतालमा उपचार भइरहेको  बताइएको छ ।