बाक्सिलामा एक घरमा आगलागी हुँदा १५ लाख बराबरको क्षति

देश पोष्ट /खोटाङ । केपिलासगढी गाउँपालिका–४ बाक्सिलास्थित पृथ्वी माध्यामिक विद्यालय नजिकैको एक घरमा आगलागी हुँदा घर पूर्णरुपमा जलेर नष्ट भएको छ ।
आगलागीबाट अन्दाजी १५ लाख बराबरको क्षति भएको प्रहरीले जनाएको छ ।

गएराती बोइलर कुखुराको चल्लालाई तातो दिन बालिएको कोईला र बिजुलीको रातो चिमबाट सल्किएको आगोले बाक्सिलाका किशोर दुमी राईको ढुंगा माटोले बनेको टिनको छानो भएको तीनतले घर घर पूर्णरुपमा जलेको हो ।

आगलागीबाट १५ वटा बोइलर कुखुराको चल्ला, अन्नपात, भाडावर्तन, काठपात, लत्ताकपडा, २ तोला सुन, ४ तोला चाँदी समेत जल्दा अन्दाजी १५ लाख बराबरको क्षति भएको जिल्ला प्रहरी कार्यालयका सूचना अधिकारी प्रहरी निरीक्षक टीका बरालले जानकारी दिए ।

आगलागीबाट सो घरमा सुतिरहेका राईकै १५ वर्षीया भान्जि सरिता तामाङको भाग्ने क्रममा माथिल्लो भागको अगाडीको २ वटा दाँत भाँचिएको र बायाँ हात फयाक्चर भएको छ । उनको स्थानीय क्लिनिकमा उपचार भईरहेको छ ।

आगोलाई प्रहरी र स्थानीयले आज बिहान २ बजे पूर्णरुपमा नियन्त्रणमा लिएका थिए ।