accidents

देश पोष्ट /खोटाङ । तनहुँको देवघाट गाउँपालिका–५ क्युदीस्थित देवपुर दासढुंगा सडकखण्डमा बसको ठक्करबाट घाइते भएका बालकको मृत्यु भएको छ। गत साउन १७ गते बसको ठक्करबाट घाइते भएका ११ वर्षीय रिमेश तामाङको उपचारका क्रममा सोमबार मृत्यु भएको हो। ग१क ३०३४ नम्बरको बसको ठक्करबाट बाटोमा हिँडिरहेका बालक गम्भीर घाइते भएका थिए। चितवन मेडिकल कलेज भरतपुरमा उपचारका क्रममा उनको मृत्यु भएको जिल्ला प्रहरी कार्यालय तनहुँले जनाएको छ ।